影片
更多
2014-09-16
2018 瀏覽
4月27日, 星期六嘅鰂魚涌, 同平日人來人往嘅景象好唔同, 街上行人少之又少, 大部份都係街坊同放狗人士, 望到都覺得好寫意~ 行到嚟呢間The News Room, 作為一系列high-end cafe餐廳嘅其中一員, 環境裝修當然有點有下過心機, 甫坐下已感到好relax.::: Newsroom Breakfast ::: $126碟好大, 材料更豐富多樣~ 一份早餐有齊沙律、煎蛋或炒蛋、煙肉、腸仔、薯餅、大蘑菇、烤番茄、茄汁豆同yorkshire pudding, 真係超重量級! 沙律菜都幾嫩但有d濕, 唔只係擺得耐定整唔乾? 煎蛋都算唔錯, 蛋白有脆邊蛋黃仲係流心嘅~ 煙肉同腸仔都煎得唔錯, 塊薯餅更係脆口, 係油咗少少. 番茄清新, 大蘑菇亦嫩口. 茄汁豆都係普通罐頭貨. 個yorkshire pudding雖然又唔係話好好食, 但總算幾特別, 平時真係少機會食到. 食完呢個"早餐"真係可以飽大半日呀!::: Steak n egg USDA ::: $115同樣地配有沙律、煎蛋或炒蛋、薯餅, 主菜就係一大塊牛扒. 炒蛋夠嫩, 蛋汁豐富, 又有啖啖蛋味~薯餅比較細塊, 炸
::: Newsroom Breakfast ::: $126
碟好大, 材料更豐富多樣~ 一份早餐有齊沙律、煎蛋或炒蛋、煙肉、腸仔、薯餅、大蘑菇、烤番茄、茄汁豆同yorkshire pudding, 真係超重量級! 沙律菜都幾嫩但有d濕, 唔只係擺得耐定整唔乾? 煎蛋都算唔錯, 蛋白有脆邊蛋黃仲係流心嘅~ 煙肉同腸仔都煎得唔錯, 塊薯餅更係脆口, 係油咗少少. 番茄清新, 大蘑菇亦嫩口. 茄汁豆都係普通罐頭貨. 個yorkshire pudding雖然又唔係話好好食, 但總算幾特別, 平時真係少機會食到. 食完呢個"早餐"真係可以飽大半日呀!
::: Steak n egg USDA ::: $115同樣地配有沙律、煎蛋或炒蛋、薯餅, 主菜就係一大塊牛扒. 炒蛋夠嫩, 蛋汁豐富, 又有啖啖蛋味~薯餅比較細塊, 炸到香脆不過邊位有少少燶到硬... 不過要講精髓, 就係呢件牛扒~ 牛扒應該係放喺網上用炭燒, 因為有好香嘅炭味~ 件牛扒仲幾厚, 但係又唔會好難切, 肉質淋得嚟帶有香濃肉味, 半肥瘦咁好有咬口, 牛油喺口中啷下啷下, 好甘香~ 呢個價錢食到塊咁樣質素牛扒超值!
食個brunch都食咗好耐, 因為個環境真係令人好懶, 個newsroom breakfast份量又多, 逐樣品嚐都要唔少時間~ 不過一個唔洗返工嘅中午, 花多少少時間嚟嘆下又有何不可?張貼
