頌興餐廳小廚

營業中

休息中

近來又調返落灣仔返工好多年前黎食過，餐牌基本都無點轉中西式早餐都有，由通粉公仔麵，到粥，腸粉叉燒包都有黎左幾日，本身都ok接受到，價錢灣仔區算好經濟。但都真系要吐糟下，食品味道尚算可以，而且速度快，快到我個面就黎食完杯茶都未到望住師傅系度傾計，慢條斯理都唔知做乜鬼最後杯茶到左，飲左兩啖，真系苦澀到泥水咁唯有叫樓面姐姐拎返去加奶，師傅即時變臉，仲要即刻望出黎好不悅既態度算啦，加左奶，最後都免強飲到，但飲到底，竟然全都系茶渣埋單走人，沖茶師傅仲要o個o的好唔真心講句“多謝晒，慢慢行”完全感覺系想攞尾彩。好心啦，囗痕不如去做棟篤笑，下次真系唔敢再黎出到門囗，原來奶茶咖啡賣12蚊杯，價錢真系便宜既但呢個質素，呢個面囗，真心覺得接受唔到。