影片
更多
2024-02-19
53 瀏覽
行過石塘咀，呢間餐廳勁有情調嘅餐廳，個名叫Vie-wonwon都十分盞鬼。入到去先發現呢間餐廳都真係超大，有兩層，而佈置都好有心思，仲會隨住唔同節慶換裝飾，好有氣氛。我哋叫咗兩個主食，第一個係「蟹膏蟹肉燉飯」（$198）呢個飯除咗蟹肉以外，仲有大量香料，好豐富，而海鮮味道都好濃重，因為入面仲撈咗好多蝦米、乾貝同蘑菇，個意大利燴飯底煮到半生熟，煙韌得嚟又有咬口，非常之creamy。另一個主食就係「鹵水香煎鴨肝芝士燉飯」（$192）上面嘅鴨肝外層煎到金黃焦香，加埋極多嘅鴨油，好惹味。而呢款飯有啲中西fusion嘅感覺，鹵水味濃，鴨肉粒又有好多，感覺都幾新鮮。之後就食咗一客甜品：「迷幻蘑菇」（$98）就係呢度嘅招牌，佢係一個野莓同白桃雪葩，造型出色，好有Gimmick ，切開仲有啲果肉餡料，側邊有開心果餅乾碎增加口感最後叫咗個啤酒：「一代宗師」（$68）呢款啤酒甜度適中，而且有熱情果、蜜桃 、野莓、柑橘等等果香 同花香、麥香融為一體，飲落十分舒服呢度真係三五知己、情侶拍拖嘅好去處。
個名叫Vie-wonwon都十分盞鬼。
入到去先發現呢間餐廳都真係超大，有兩層，
而佈置都好有心思，仲會隨住唔同節慶換裝飾，好有氣氛。
我哋叫咗兩個主食，第一個係「蟹膏蟹肉燉飯」（$198）
呢個飯除咗蟹肉以外，仲有大量香料，好豐富，
而海鮮味道都好濃重，因為入面仲撈咗好多蝦米、乾貝同蘑菇，
個意大利燴飯底煮到半生熟，煙韌得嚟又有咬口，非常之creamy。
另一個主食就係「鹵水香煎鴨肝芝士燉飯」（$192）
上面嘅鴨肝外層煎到金黃焦香，加埋極多嘅鴨油，好惹味。
而呢款飯有啲中西fusion嘅感覺，鹵水味濃，鴨肉粒又有好多，
感覺都幾新鮮。
之後就食咗一客甜品：「迷幻蘑菇」（$98）
就係呢度嘅招牌，佢係一個野莓同白桃雪葩，
造型出色，好有Gimmick ，
切開仲有啲果肉餡料，側邊有開心果餅乾碎增加口感
最後叫咗個啤酒：「一代宗師」（$68）
呢款啤酒甜度適中，而且有熱情果、蜜桃 、野莓、柑橘等等果香
同花香、麥香融為一體，飲落十分舒服
呢度真係三五知己、情侶拍拖嘅好去處。
張貼
