龍蝦吧餐廳

營業中

休息中

餐廳夜晚燈光昏暗，好有情調，坐得好舒服好疏落。呢個包籃超級有誠意，種類多而且份量慷慨。裡面有酸種包、裸麥包，重點係芝士脆片。芝士脆片好濃芝士味，相信落左好多種芝士，值得encore。簡簡單單配牛油都好好食，外脆內軟。*燒蘆荀*呢個冇咩特別，純食食材的原味，隔離有mustard可點。餡餅裡面包住龍蝦肉，但好韌，好容易卡住牙，要好用力咬，麻麻地。薯蓉好creamy，不過好快會膩。上面淋上龍蝦汁，好香濃，但成份偏油膩，會食唔哂。**Sticky  Toffee Pudding**呢個好食，但要有心理準備好甜，椰棗蛋糕微暖，一定要配冰凍的雲呢拿雪糕食，即時減甜，好香好好食。不過浸住的醬比椰棗蛋糕更甜，唔可以點咁多。