影片
更多
2017-12-22
2419 瀏覽
黎緊聖誕節要出TRIP，雖然一早知會左另一半，但黎到年尾最後一個大節日仲要唔係佢身邊，點都要有返啲行動作為感謝對方為自己過去一年嘅付出，所以一早BOOK定枱同佢慶祝。因為早到關係所以獲安排坐窗口位，一邊進餐一邊享受行車街景，舒適環境已經加分不少。因為FULL COURSE MEAL共有六道菜,所以我地都放慢節奏，仔細享受屬於我地嘅燭光晚餐。聽完店員細心講解晚餐嘅內容，就拜託佢推薦兩杯配合晚餐嘅餐酒同食，自問唔係咩識品酒嘅人士同埋另一半酒量都淺，但兩款都幾易入口而且同菜式味道幾夾，另一半尤其鐘意杯Champagne Cocktail，店員哥仔應記一功。最先係呢度嘅自家製餐包：芝麻竹炭包／香草法包及芝士脆片。前兩款軟硬適中，又唔會太乾身單食味道十分討好，點上香草茄子醬就更好食。而脆片本身卜卜脆又帶點咸香，最啱同辣肉腸南瓜醬一齊食，微辣甜味道十分惹味。因為知道生蠔做緊買一送一優惠所以都點左三款各有濃淡口味嘅黎食，同另一半SHARE黎食啱啱好。三款生蠔分別係SCOTTISH ROCK($88)/ ANCELIN SPECIALE($88)/ GILLARDEAU($98)。當中最喜愛係法國蠔后
因為早到關係所以獲安排坐窗口位，一邊進餐一邊享受行車街景，舒適環境已經加分不少。因為FULL COURSE MEAL共有六道菜,所以我地都放慢節奏，仔細享受屬於我地嘅燭光晚餐。
聽完店員細心講解晚餐嘅內容，就拜託佢推薦兩杯配合晚餐嘅餐酒同食，自問唔係咩識品酒嘅人士同埋另一半酒量都淺，但兩款都幾易入口而且同菜式味道幾夾，另一半尤其鐘意杯Champagne Cocktail，店員哥仔應記一功。
自家製餐包
23 瀏覽
0 讚好
0 留言
最先係呢度嘅自家製餐包：芝麻竹炭包／香草法包及芝士脆片。前兩款軟硬適中，又唔會太乾身單食味道十分討好，點上香草茄子醬就更好食。而脆片本身卜卜脆又帶點咸香，最啱同辣肉腸南瓜醬一齊食，微辣甜味道十分惹味。
SCOTTISH ROCK/ ANCELIN SPECIALE/ GILLARDEAU
24 瀏覽
0 讚好
0 留言
因為知道生蠔做緊買一送一優惠所以都點左三款各有濃淡口味嘅黎食，同另一半SHARE黎食啱啱好。
SCOTTISH ROCK/ ANCELIN SPECIALE/ GILLARDEAU
12 瀏覽
0 讚好
0 留言
青檸蒜香八爪魚配香甜紅椒蓉
22 瀏覽
0 讚好
0 留言
法國穀飼牛肉他他
14 瀏覽
0 讚好
0 留言
八爪魚烹煮得入味軟腍，配上青瓜片及甜椒蓉等味道酸甜清爽，食時藍色橙酒珠珠在口腔爆開，配上青檸泡沫令味道層次再多變化，加強了冷盤嘅開胃效果。
牛肉他他好腍滑，當混和鵪鶉蛋液後蛋黃香氣帶出牛肉嘅甘甜，咀嚼下肉香濃郁再配上蒜香脆多士同食，反差口感更添層次。
意大利風乾煙肉、蘆筍凍湯配煙燻泡沫
10 瀏覽
0 讚好
0 留言
法式海龍王湯
13 瀏覽
0 讚好
0 留言
而凍湯一上枱時店員哥仔細心解說食時唔好攪拌，直接一匙舀到底將煙肉及露荀湯連泡沫取出，煙燻泡沫嘅味道先會最突出。果然咁樣可以令泡沫嘅煙燻味先刺激味蕾鼻腔，冰涼露荀同咸香煙肉味道接踵而至，十分滋味。
鮮蝦慕絲煙三文魚卷配煙肉芝士忌廉汁
13 瀏覽
0 讚好
0 留言
香煎鵝肝配黑醋荔枝蘋果
13 瀏覽
0 讚好
0 留言
煙三文魚包住蝦膠將雙方鮮味互相提升，入口腍滑彈牙。煙肉忌廉汁咸鮮嘅味道唔會特別飽滯，反而突出左煙三文魚嘅味道。而鵝肝煎封得兩邊焦香，中間啱啱熟呈半凝固狀態。唔使用力就已經切開了，入口軟嫩羶香，鵝肝慢慢係口內溶化嘅味道真係明知高熱量都要食多幾啖，伴碟嘅黑醋及青蘋果剛好起到解膩作用，所以鵝肝食落唔會偏重油脂味道。
石榴雪葩
10 瀏覽
0 讚好
0 留言
香草紅酒燒汁燴澳洲和牛牛面頰配牛肝菌玉米糕
17 瀏覽
1 讚好
0 留言
香草紅酒燒汁燴澳洲和牛牛面頰配牛肝菌玉米糕，經過紅酒燴煮嘅牛面肉十分軟腍，牛肉嘅纖維用叉就已經可以輕易分開而且入味非常，酒香肉香都好突出，跟甘荀露荀等同食，蔬菜嘅清甜可以平衡濃郁嘅肉味，更覺輕盈。
不得不食墊底嘅牛肝菌玉米糕，口感似薯蓉之外味道都好清香，同牛面肉好夾。兩者一齊入口簡直一絕。
慢煮西班牙伊比利亞羊，蜜糖芥末子汁配香草焗蒜
19 瀏覽
1 讚好
0 留言
慢煮西班牙伊比利亞羊，蜜糖芥末子汁配香草焗蒜。羊架慢煮後肉質呈粉紅色但同樣鬆軟腍滑，因為仲有啲骨邊筋肉連住所以仍有結實口感，但一啲羶味都沒有，反而因為外表覆蓋住一層烤得脆口嘅香草糠，令口感更豐富。點上芥末汁更可減低羊脂多餘嘅油膩感，食落更惹味。而焦甜蒜子都幾夾羊肉，可以配上一齊食。
飯後店員送上杯玫瑰花茶，讓我地等待甜品時可以解解膩，俾忙碌嘅腸胃歇一會。
紅茶法式焦糖燉蛋
12 瀏覽
0 讚好
0 留言
最後係紅茶法式焦糖燉蛋，甜道剛好清清地，燉蛋幼滑茶味都優香配上脆卜卜脆片豐富口感，十分可口。
手作榛子咖啡朱古力及蝴蝶酥
38 瀏覽
0 讚好
0 留言
埋單前店員哥仔仲話俾我地知只要LIKE及SHARE FACEBOOK就可以即時享有95折優惠，仲有張85折COUPON可以下次使用。不過因為佢同另一位店員妹成晚嘅招待及笑容，令我地有個舒適又愉快嘅晚上，呢個LIKE就算無COUPON都絕對值得俾啦。
張貼
