Pasticceria Giovanni Pina 1920 (如心廣場一期) (已結業)

天空之城的荃灣， 以天橋連接各大商場出名，食飯行街購物都非常方便，行吓行吓就行到呢間意大利餐廳， 適逢晚飯時候 ，見環境優雅，意大利式裝潢，吊上大大水晶燈，被它吸引入內坐下🤗🤗🤗。 西西里島海鮮沙律配經典意式油醋汁 海鮮為主的沙律上枱， 見到就馬上心花怒放😍😍，有帶子，蝦，青口，墨魚，沙律菜，已淋上醬汁帶出鮮味來，若想更開胃的話點埋油醋汁就更加醒胃喔！燒虎蝦意大利飯 意大利飯跟中式飯大不同，咀嚼時較有咬口，而粒粒飽滿的意大利飯吸收濃郁蝦汁， 味覺豐富，而當中混入切粒的蝦肉，啖啖滋味😋😋😋，至於虎蝦彈牙就唔駛講喇😍， 做出水準來！蕃茄忌廉湯 湯口感非常順滑， 濃濃的🍅🍅香味 ，掌握得恰到好處🤗🤗🤗！Tiramisu 蛋糕 提拉米蘇入口軟綿綿，香滑的感覺，甜品可以減壓，大大提升我的開心指數😃！冰凍米蘭經典咖啡埋完單，再到外面🥨🥐🥖🥯🍰🎂望吓，忍不住買咗兩件 「意式開心果吉士 牛角包 」帶回家。