影片
更多
2018-01-15
289 瀏覽
香港人對日本野食有好深情誼結，我都唔例外，尤其串燒，一路吹水一路慢慢歎即燒野食，好寫意。同朋友去左和居和居食晚飯吹水，見到一般都係熟客，質素實有保證。叫左個好特別既酒盜芝士，竟然係將魚腸醃過，另外再有芝士加係餅乾上面食。魚腸咸咸地，好勁魚味，配上芝士餅乾，味道又好夾，仲有開胃感覺，一開始食有啲似蝦醬味，但食完一塊已經忍唔住食第二塊，因為個魚腸味道實在太特別。仲有燒到金黃色既雞泡魚乾，好鮮好香脆，而且表面仲有些少醬汁，唔會覺得乾，最岩吹水時食。打頭陣係牛小排，唔係講笑，燒到岩好，juicy得來好嫩滑，牛味好濃，根本唔使任何調味已經好正。雞腎就好爽脆，簡直食落都聽到聲。辣芝士雞串，嫩雞肉加香口芝士，熱辣辣好味道。燈籠椒串，一上就聞到好香青椒味，本身青椒係配菜，味道唔太突出，但經過燒一燒，再加上木魚，成碟昇華左，味道好出，有魚既鮮味，青椒既甜同多汁，健康又好食。同樣甜同多汁仲有粟米。食完串燒，肚仔仲未飽，叫左碟吉列黑豚豬扒，用上等黑豚肉，加上朝椒，黑椒等醃過，炸到外脆內鬆化，而且豚肉彈牙，因為肉汁豐富，肉身有彈性，一啲都唔鞋口。伴碟既椰菜絲新鮮爽口，加分唔少。酒煮蜆，蜆肉好肥，粒粒飽滿，配上
叫左個好特別既酒盜芝士，竟然係將魚腸醃過，另外再有芝士加係餅乾上面食。魚腸咸咸地，好勁魚味，配上芝士餅乾，味道又好夾，仲有開胃感覺，一開始食有啲似蝦醬味，但食完一塊已經忍唔住食第二塊，因為個魚腸味道實在太特別。仲有燒到金黃色既雞泡魚乾，好鮮好香脆，而且表面仲有些少醬汁，唔會覺得乾，最岩吹水時食。
打頭陣係牛小排，唔係講笑，燒到岩好，juicy得來好嫩滑，牛味好濃，根本唔使任何調味已經好正。雞腎就好爽脆，簡直食落都聽到聲。辣芝士雞串，嫩雞肉加香口芝士，熱辣辣好味道。
燈籠椒串，一上就聞到好香青椒味，本身青椒係配菜，味道唔太突出，但經過燒一燒，再加上木魚，成碟昇華左，味道好出，有魚既鮮味，青椒既甜同多汁，健康又好食。同樣甜同多汁仲有粟米。
食完串燒，肚仔仲未飽，叫左碟吉列黑豚豬扒，用上等黑豚肉，加上朝椒，黑椒等醃過，炸到外脆內鬆化，而且豚肉彈牙，因為肉汁豐富，肉身有彈性，一啲都唔鞋口。伴碟既椰菜絲新鮮爽口，加分唔少。
酒煮蜆，蜆肉好肥，粒粒飽滿，配上淡淡酒香，好似仲聞到海水味一樣鮮甜，好少食到甘肥美新鮮既蜆肉。最後涼烏冬麵，醬汁配多左粒鶉蛋，拌完連同涼麵食，令涼麵更滑更入味。好滿足既一餐飯。
張貼
