影片
更多
2024-05-28
187 瀏覽
餐廳：ARIA (中環)地址：中環蘭桂坊德己立街30-32號加州大廈24樓自從食過幾次Weekend brunch之後就返唔到轉頭，因為價錢同酒店buffet差唔多，但感覺上質素就好好多🤪。就以中環加州大廈呢間開咗3年幾嘅ARIA為例，「Aria」喺意大利文解作歌劇成日聽到嘅詠嘆調，即喺管弦樂隊伴奏嘅抒情獨唱曲，入到餐廳就感覺到以Opera為理念同靈感嘅裝修設計🎷，配合埋抒情歌曲同Cozy嘅環境氣氛，的確有啲置身喺歌劇院嘅感覺😌餐廳大廚嚟自意大利熱那亞(Genova)👨🏻🍳，佢將當地傳統經典嘅意大利菜式一碟一碟咁擺喺食客面前，等你喺星期六日嘅Weekend Brunch時段可以盡情享受每道意式美食🇮🇹。Weekend Brunch成人做緊$628一個人，仲可以加錢加一款主食，記得網上訂位有九折優惠㗎😍任食美食除咗意藉大廚自製嘅Cannelloni、Lasagne、各式沙律🥗——藍莓紅菜頭沙律、白腰豆羽衣甘藍沙律等，仲有嚟自世界各地嘅海鮮——蟹腳🦀、美國龍蝦🦞、生蠔🦪、蝦🦐、海螺🐚、日本青口；嚟自意大利嘅芝士——藍芝士、松露芝士、巴馬臣芝士🧀；各款Cold Cuts——巴馬火腿、意式豬
地址：中環蘭桂坊德己立街30-32號加州大廈24樓
自從食過幾次Weekend brunch之後就返唔到轉頭，因為價錢同酒店buffet差唔多，但感覺上質素就好好多🤪。就以中環加州大廈呢間開咗3年幾嘅ARIA為例，「Aria」喺意大利文解作歌劇成日聽到嘅詠嘆調，即喺管弦樂隊伴奏嘅抒情獨唱曲，入到餐廳就感覺到以Opera為理念同靈感嘅裝修設計🎷，配合埋抒情歌曲同Cozy嘅環境氣氛，的確有啲置身喺歌劇院嘅感覺😌
餐廳大廚嚟自意大利熱那亞(Genova)👨🏻🍳，佢將當地傳統經典嘅意大利菜式一碟一碟咁擺喺食客面前，等你喺星期六日嘅Weekend Brunch時段可以盡情享受每道意式美食🇮🇹。
Weekend Brunch成人做緊$628一個人，仲可以加錢加一款主食，記得網上訂位有九折優惠㗎😍
任食美食除咗意藉大廚自製嘅Cannelloni、Lasagne、各式沙律🥗——藍莓紅菜頭沙律、白腰豆羽衣甘藍沙律等，
仲有嚟自世界各地嘅海鮮——蟹腳🦀、
美國龍蝦🦞、生蠔🦪、蝦🦐、海螺🐚、日本青口；嚟自意大利嘅芝士——藍芝士、松露芝士、巴馬臣芝士🧀；
各款Cold Cuts——巴馬火腿、意式豬肉腸、米蘭莎樂美腸、意式生牛肉片；熱食炸物、龍蝦湯、肉丸🧆、麵包🥖、前菜頭盤、水果🍉、甜品——Tiramisu、三色朱古力慕絲、朱古力蛋糕🍰、朱古力噴泉、吉士醬拿破崙、芝士批等等，款式都真喺算幾多，仲要喺咁靚嘅環境同好服務之中去品嘗，確實喺一大享受☺️
生蠔唔算大隻，但喺可以無限任你拎、任你食，以海水鮮味為主，一啲都唔腥👍；
Lasagne充滿蕃茄芝士香，濃香而唔膩，食落仲喺Al Dente嘅口感質地；
龍蝦湯雖然無龍蝦肉，但每喺都細味到陣陣龍蝦同忌廉鮮香；
Tiramisu更加喺必食之選🤩，Creamy得嚟有濃郁Mascarpone cheese同可可香味，陣陣咖啡香若隱若現🤤；
朱古力蛋糕用上法國黑朱古力，食落唔會好甜膩，鏡面、朱古力醬同慕絲層相間帶嚟豐富層次滋味🍫
另外加$268叫咗個意式烤澳洲M5西冷牛扒🥩，有大約250g，預先切好一塊塊，未食已經聞到香烤嘅味道🔥，外層焦香而內層軟嫩，中心5成熟，咬落仲有肉汁輕輕淺出，筋同脂肪唔算多，圍住喺肉嘅邊邊，每啖都充滿牛肉嘅羶香🐂，不過其實就咁食出面自助餐Bar嘅食物都已經好夠飽😂，叫主食只喺錦上添花🌸
張貼
