On Time Coffee & Kitchen (已結業)

上環一向多咖啡店，特別係蘇杭街，今日經過發現有一間新店進駐，當然要週末cafe闖蕩。餐廳有set lunch，英式全日早餐只係$100樓下幾吸引，不過見餐牌上有本店推薦，所以就相信餐廳，叫左辣墨魚汁海鮮意粉同蟹膏蟹肉意粉。蟹膏蟹肉意粉既蟹肉幾多，每啖意粉亦嚐到蟹肉鮮甜，意粉偏硬。入面仲有紅椒同洋蔥，味道更豐富。辣墨魚汁海鮮意粉不過不失，食完之後嘴唇變晒黑色我哋每人再加$20轉左套餐，套餐可以選擇沙律或者薯條。薯條幾香脆，不過少少油。嚟咖啡店當然要試吓餐廳嘅咖啡。呢杯latte既玫瑰花拉花非常漂亮。吉茶即係焙茶拿鐵，有時焙茶味太濃未必個個人都接受到。On Time既吉茶奶味較重，焙茶香緊隨其後，味道更容易接受。食完on time更令我深信上環嘅咖啡店具備一定水準，等我之後再為大家發掘多啲上環嘅咖啡店。