蝦棧 (已搬遷) 新店位置

太子食新餐廳， 見到門口已經有個大缸，養滿曬大頭蝦，真係要食餐勁嘅。先黎胡椒蝦， 一鍋六隻，睇住師傅喺個缸到拎上嚟， 新鮮度滿分， 上枱熱辣辣，胡椒味香濃 ，味道上面層次更加豐富， 大頭蝦蝦膏有夠多，可惜驚膽固醇高， 唔係食多份都仲得。鹽燒豬肋條轉牛仔骨， 同我想像嘅有少少出入，本身以為鹽燒會係比較乾身， 原來都見到仲有汁， 要嚟撈飯一流。一口炸豆腐， 豆腐外表炸到脆卜卜， 食落又唔似平時嘅硬豆腐，八卦一問之下 ，原來係台灣千葉豆腐真係估佢唔到， 味道一流。薄荷柚子梳打， 柚子味香濃， 梳打夠氣，唔係太甜。薄荷火龍果梳打， 最估唔到係用紅火龍果新鮮打汁，酸酸甜甜，超易入口。南瓜豆腐雪糕， 來到上檯已經好吸晴，原個南瓜上， 打開入面咁多雪糕，已經值得嫁，又甜又香又不失豆味，夠晒香濃。