影片
更多
2014-10-21
2401 瀏覽
友人前2日經過見到, 原來有間新開既韓國烤肉店,仲要10月會有7折優惠,所以立即組團去試下。前一日訂位都無問題,可能仲係好新既關係啦,哈哈。首先,酒類唔多,諗住叫住啤酒先啦,但原來未有酒牌,所以可以自帶酒水。附近得間seven,所以無得買燒酒,啤酒呢…連青島都比人買哂,所以想飲韓國走既話,最好買定先黎啦~~最後唯有買日本啤XD我地3個女仔, 叫左3份肉,一個嫩豆腐鍋,真係食得好飽。食燒肉我地通常都唔會食得好飽,因為貴貴地…今次見到價錢都唔貴,仲要有7折…所以就食得幾多就叫幾多,都唔理埋單幾錢啦介紹下食物啦~~1.護心肉最近韓國燒肉有幾間都主打護心肉, 我真係好鍾意食。雖然係豬肉,但口感有點像牛肉, 韌韌地。護心肉有兩款可選,原味/調味。我地揀左原味,因為見到調味好似加左d蔥,好似怪怪地咁,所以都係試下原汁原味。但其實都有醃過,甜味較多,好入味。好容易燒濃,大家要小心~2.烤五花肉烤五花肉亦有得選原味/調味。今次,我地想試下調味,因為見到相,調味係橙橙地色,好似有d辣辣地,所以就試下。食過咁多燒肉,呢度既厚度算係比較厚,咬落啖啖肉。我平時唔鍾意食肥膏,但都覺得幾好食,用生菜包住比較易入口
前一日訂位都無問題,可能仲係好新既關係啦,哈哈。
首先,酒類唔多,諗住叫住啤酒先啦,但原來未有酒牌,所以可以自帶酒水。附近得間seven,所以無得買燒酒
,啤酒呢…連青島都比人買哂,所以想飲韓國走既話,最好買定先黎啦~~最後唯有買日本啤XD
我地3個女仔, 叫左3份肉,一個嫩豆腐鍋,真係食得好飽。食燒肉我地通常都唔會食得好飽,因為貴貴地…今次見到價錢都唔貴,仲要有7折…所以就食得幾多就叫幾多,都唔理埋單幾錢啦
介紹下食物啦~~
1.護心肉
最近韓國燒肉有幾間都主打護心肉, 我真係好鍾意食。雖然係豬肉,但口感有點像牛肉, 韌韌地。護心肉有兩款可選,原味/調味。我地揀左原味,因為見到調味好似加左d蔥,好似怪怪地咁,所以都係試下原汁原味。但其實都有醃過,甜味較多,好入味。好容易燒濃,大家要小心~
2.烤五花肉烤五花肉亦有得選原味/調味。今次,我地想試下調味,因為見到相,調味係橙橙地色,好似有d辣辣地,所以就試下。食過咁多燒肉,呢度既厚度算係比較厚,咬落啖啖肉。我平時唔鍾意食肥膏,但都覺得幾好食,用生菜包住比較易入口。味度明顯同護心肉既醃料唔同,但都好好味,我最鍾意韓式果d甜甜既味道。
3.烤豬排骨肉其實本身都唔知係乜野,只係睇相覺得好似幾好食咁,所以就叫啦。D肉好厚,要慢慢燒,同埋要早D剪到細粒D,會好燒D。因為肉較厚,同埋又醃左,味道較重口味。不過我係鍾意重口味,所以我都仲接受到,而且咁樣一啖咬落去仲好有口感,好JUICY。
4.嫩豆腐湯
其實間間個樣都係差唔多,但呢間好好味,我都唔知點形容。朋友唔食得辣,但呢個都食到喎,因為唔係好辣果種。材料都係雞蛋、豆腐果D架啦, 但竟然有牛肉粒,真係比較少見。另跟一碗白飯。
桌上有洋蔥、一碟有D菜既前菜(我無掂過所以唔知係咩)、大蒜、青辣椒同豆瓣醬(我的最愛)、3色醬(黃豆粉、平時韓國一盒盒果種辣醬、似麻油)仲有,每人都有一個碟用黎裝野食,但上面亦有醬汁,甜甜地咁,但我唔太鍾意,所以我通常直接點完豆瓣醬就食。
7折後每人$120,真係好抵,立即組團再黎多ROUND先,遲D多人識就無咁多機會啦~
題外話/補充資料：
1每碟肉都會跟D瓜同菇類
2同友人都覺得,美中不足既係竟然無泡菜供應。
3如果個爐濃濃地,所以同佢地講,佢地會比舊蘿蔔你擦乾淨同吸油,唔洗下下換爐
4唔會煙霧彌漫,不過實會有味
(以上食評乃用戶個人意見 , 並不代表OpenRice之觀點。)
張貼
