炑八韓烤 (MegaBox) (已結業)

疫情下太太太耐冇出街食， 今日同個舊同事九龍灣搵食。 Patpat痕， 想食燒肉， 就你啦， 係地下果層搵倒呢間韓燒。門口有人排隊， 唔通有特價？？🤔得6，7個人排， 排下囉。 5分鐘唔洗就入左坐。 （ 原來係午市剛剛開， 安排客人入坐需時， 入到去唔太full。) 本來兩個大男人想食午餐set 算， 不過咁咁耐冇出街食， 不如食好啲叫個午市燒肉二人前。😅最平果個488未加一同唔包野飲， 不過有牛（兩件雪花牛， 牛肋骨, 牛扒等l， 豬， 同 原隻八爪魚(有點驚喜), 仲有沙律， 大量菜， 加泡菜任添。🤤 慢慢燒1點唔夠燒到3點， 真係當搵個地方食下吹下水都ok。叫左兩柸野飲加埋一568 落樓， 食得好滿足， 夜晚都唔洗食啦(走小小菜贖罪) 。