影片
更多
2024-02-07
152 瀏覽
平時都中意試各式各樣唔同嘅菜式，印尼菜都真係第一次，餐廳係朋友推薦，晚飯時間黎到都等咗一陣，同埋餐廳出面都幾多人買糕點，有班蘭千層糕、班蘭蛋糕等等，見到餐廳咁受歡迎即刻信心大增🤭😂炸雞班蘭尖塔飯一上菜就覺得班蘭尖塔飯相當吸睛，班蘭飯好似都係第一次食，食落會有淡淡嘅班蘭香👍🏻 炸雞大隻而且炸到皮脆肉嫩，$88黎講性價比真係幾高下~原條魚花膠湯粉皮朋友推薦嘅花膠湯粉皮，話係呢個最出名嘅菜式~ 印尼餐廳有花膠出現，成件事勁神奇，我諗係為咗迎合香港人口味而推出嘅菜式🤔 落單之前特登問清楚原條魚原來係黑鰂魚，因為我本人唔識挑骨嘅關係唔係咩魚都食，但呢個真係有驚喜！條魚用咗好多款香料去醃，然後再炸到外皮超級香脆，但入面嘅肉依然係好滑~ 而花膠湯粉皮就非常足料，個湯又濃，但最令我意料之外嘅係粉皮，唔係講笑真係超級滑，我覺得我係會為咗粉皮再encore呢間😂印尼小食拼盤小食拼盤有炸雞、矮瓜、秋葵、黃豆餅同埋雞翼，我自己最中意炸雞同埋矮瓜，真心炸雞又係好嫩滑，平時喺香港真係好少食到咁好食嘅炸雞，好多都炸到啲肉好硬，後者雖然因為冇豆腐而變咗矮瓜，有啲可惜但矮瓜勁好食勁juicy！雞肉沙爹覺得呢度嘅雞肉真係
炸雞班蘭尖塔飯
一上菜就覺得班蘭尖塔飯相當吸睛，班蘭飯好似都係第一次食，食落會有淡淡嘅班蘭香👍🏻 炸雞大隻而且炸到皮脆肉嫩，$88黎講性價比真係幾高下~
原條魚花膠湯粉皮
朋友推薦嘅花膠湯粉皮，話係呢個最出名嘅菜式~ 印尼餐廳有花膠出現，成件事勁神奇，我諗係為咗迎合香港人口味而推出嘅菜式🤔 落單之前特登問清楚原條魚原來係黑鰂魚，因為我本人唔識挑骨嘅關係唔係咩魚都食，但呢個真係有驚喜！條魚用咗好多款香料去醃，然後再炸到外皮超級香脆，但入面嘅肉依然係好滑~ 而花膠湯粉皮就非常足料，個湯又濃，但最令我意料之外嘅係粉皮，唔係講笑真係超級滑，我覺得我係會為咗粉皮再encore呢間😂
印尼小食拼盤
小食拼盤有炸雞、矮瓜、秋葵、黃豆餅同埋雞翼，我自己最中意炸雞同埋矮瓜，真心炸雞又係好嫩滑，平時喺香港真係好少食到咁好食嘅炸雞，好多都炸到啲肉好硬，後者雖然因為冇豆腐而變咗矮瓜，有啲可惜但矮瓜勁好食勁juicy！
雞肉沙爹
覺得呢度嘅雞肉真係特別出色，瘋狂係咁重複同一個comment，但真係好嫩滑，同埋其實就咁食都夠味，咁當然個沙爹汁先係重點😂 香料味相對比較重，特別惹味~
珍多冰
老闆娘勁貼心，仲提我哋可以少甜，少甜之後甜度岩岩好，椰香好重👍🏻
張貼
