影片
更多
2022-08-15
57 瀏覽
今日朋友生日，知道朋友鍾意食牛，所以決定預訂公司附近一間新開食牛嘅Omkase ，餐廳位置唔算好難去，非常就腳！一入到餐廳門口就有侍應招呼，佢好主動咁幫我哋擺袋，師傅亦都主動同我哋打招呼，感覺幾熱情。冷鉢師傅用咗冰水去浸一浸啲牛，保留到牛嘅鮮味。日本蕃茄同埋酸醋啫喱都發揮到開胃嘅作用，唔會太酸蓋過咗啲牛味。座付牛脷經過幾個鐘嘅烹調非常之入味同埋好腍。師傅話個湯係經過六個鐘嘅烹調，入面小小嘅胡椒亦都唔會太辣，反而可以吊到味凌ぎ左邊嘅壽司用咗牛臀部對上嘅部位，師傅亦都用咗檸檬鹽去調味。而右邊嘅部位脂肪比例較多，師傅仲要用火槍灼一灼佢，食落去油脂味重。向付吞拿魚他他就成日都食到，冇諗過和牛都可以做到呢個煮法，入面嘅洋蔥令口感更豐富。配菜嘅海膽同埋魚子醬令到成個感覺好新鮮。而海苔天婦羅更加用咗皇室御用嘅紫菜！溫物師傅喺整之前俾我哋睇吓會用嘅和牛，壽喜燒嘅湯底由開業至今都仲用緊嗰個湯膽，所以味道非常之濃郁。松露喺師傅即時磨㗎!箸休食完壽喜燒一啲味道比較濃郁嘅嘢，師傅就整咗一個梅子沙冰嘅嘢食等我哋清一清味蕾。粒梅十分之甜，但係碎冰可以稀釋左佢嘅甜度，食落就啱啱好。強肴吉列牛三文治擺盤好靚，一啖擺晒
冷鉢
師傅用咗冰水去浸一浸啲牛，保留到牛嘅鮮味。日本蕃茄同埋酸醋啫喱都發揮到開胃嘅作用，唔會太酸蓋過咗啲牛味。
座付
牛脷經過幾個鐘嘅烹調非常之入味同埋好腍。師傅話個湯係經過六個鐘嘅烹調，入面小小嘅胡椒亦都唔會太辣，反而可以吊到味
凌ぎ
左邊嘅壽司用咗牛臀部對上嘅部位，師傅亦都用咗檸檬鹽去調味。而右邊嘅部位脂肪比例較多，師傅仲要用火槍灼一灼佢，食落去油脂味重。
向付
吞拿魚他他就成日都食到，冇諗過和牛都可以做到呢個煮法，入面嘅洋蔥令口感更豐富。配菜嘅海膽同埋魚子醬令到成個感覺好新鮮。而海苔天婦羅更加用咗皇室御用嘅紫菜！
溫物
師傅喺整之前俾我哋睇吓會用嘅和牛，壽喜燒嘅湯底由開業至今都仲用緊嗰個湯膽，所以味道非常之濃郁。松露喺師傅即時磨㗎!
箸休
食完壽喜燒一啲味道比較濃郁嘅嘢，師傅就整咗一個梅子沙冰嘅嘢食等我哋清一清味蕾。粒梅十分之甜，但係碎冰可以稀釋左佢嘅甜度，食落就啱啱好。
強肴
吉列牛三文治擺盤好靚，一啖擺晒落口啱啱好。兩個三文治嘅配料有少少唔同，所以食落都唔會太單調。
替鉢
一打開隻碗就聞到煙花木嘅煙熏味，今次嘅牛配上紅酒醬汁十分之夾，口感食落去有少少似西式嘅煮法。
燒物
師傅喺後面嘅炭爐度準備唔同嘅蔬菜，秋葵食得出好新鮮，唔會好大浸草青味。最特別嘅係佢嘅調味料，用咗柚子鹽同埋有子醋，好少喺出面食到呢款調味料。
食事
素面喺整之前過咗冷河，就算擺喺最後食都唔會好飽。師傅用咗特製嘅花生，櫻花蝦乾同埋三文魚子去做配料。
水菓子
甜品真係好有驚喜，首先侍應會幫我哋換咗一杯綠茶（嗰隻杯都好得意，同餐廳環境幾夾），之後就上咗好精緻嘅甜品，威化餅十分之鬆脆，雪糕食落去有淡淡酒味，加埋綠茶粉就非常之好食。蛋布甸嘅容器可以以假亂真，我以為係真嘅雞蛋殼！甜度方面我個人接受到，但朋友就覺得甜咗少少。
張貼
