慢煮工房 (已結業)

慢煮工房 @觀塘 觀塘工廈一向多野食，今日有興致行下行下就同朋友黎左呢間。我地一點半到，餐廳入面唔算太多人，一到達就可以入座。午餐方面，全部都是一個個SET LUNCH, 菜式看似簡單和一般西餐廳無異，但味道卻有意外驚喜。首先頭盤黎既係南瓜薯蓉湯，南瓜薯蓉好足料，飲落口真係飲到啖啖南瓜薯蓉，一面飲湯一面配合隨頭盤的蒜蓉包，非常開胃和美味!主菜方面，我叫左經典既卡邦尼，配上厚煙肉，食落口味道香濃唔油膩，微甜仲好juicy，鐘意食卡邦尼既朋友一定會好滿足。我朋友叫的另一道主菜係牛肋肉配蕃茄意粉，這道菜看似平平無奇，但主打的牛肋肉超軟綿綿，口感一流!隨碟的蕃茄意粉則很fresh，食得出啖啖蕃蓉味，甜而不膩。餐飲方面，我同朋友都係跟返餐牌冰凍水果茶。今天的款式是蜜桃茶，正常水準，簡單得來岩哂為豐富既午餐作結。順帶一提，呢間餐廳既晚餐好似都唔錯，有機會會同朋友再黎試，到時再向大家報告~