鮨見 (已結業)

今日去左試間尖沙咀樓上舖既omakase。門面到舖入面都用日式木系風格做舖設。好好彩坐到bar檯望到師傅整壽司,一坐底就先出左冷盤同燉蛋,都幾開胃,食完前菜就到3款唔同既刺身,咁有食過類似日本菜既都師傅會等客人食完一道先再上下一道菜既,師傅仲會上菜時講下依道菜係咩或者加左咩醬汁去做帶出佢既鮮味。刺身黎講最驚喜係隻蠔非常新鮮又飽滿。接住就到7種唔同既壽司,因為唔同時間去師傅可能都準備唔同食材,分分鐘下次再去又食到唔同壽司,但睇相都知壽司魚體係好勻稱,飽滿得黎油脂夠,食落更加唔會有筋,師傅亦都唔慳食材,7件入面最驚豔應該係吞拿拖羅,照師傅既做法仲加左少少日式芥辣喺面,較後先出味既芥辣味好好咁平均拖羅既油脂,言談間知道原來師傅已經做壽司做左30年,唔怪得對食材同醬汁既運用咁講究。食完壽司仲有海膽杯係用飯喺底然後海膽蓋住d飯,海膽係幾鮮甜。最後仲有用魚骨淆製個半鐘而成既湯,要知到日本人好少會用咁多時間黎做湯頭,甜品就係店家自製既豆腐雪糕，而家光顧仲有10%off優惠添！