影片
更多
2018-08-18
167 瀏覽
屋企人搵左間自助晚餐做緊優惠既餐廳做今次聚餐既地點本身諗住三百幾蚊既自助晚餐都係一般般，點知又唔啵，仲幾有驚喜添先黎飲返啖燕窩龍蝦濃湯暖暖胃，熱下身先每人都會有一份海膽加蟹籽沙律雖然唔係好大份，但海膽夠新鮮，食落鮮甜，唔錯唔錯海鮮冷盤不停refill好新鮮，啲長腳蟹粗身肉鮮，自己都食左兩三條刺身同壽司都同樣新鮮，啲油甘魚仲要原條上，正連沙律都有成十幾款，自己就最中意個大蝦沙律，啲蝦好爽彈，配上超甜既蜜瓜同雜莓，清新開胃呀而熱莗同熟食方面都有好多選擇，中式 西式 印度同泰式既都搵到，唔同口味既家人都各有心水即切既燒牛肉唔會燒到乾爭爭嚡霎霎咁，要厚切定薄切都可以同店員講仲有即煎既鐵板羊架 大蝦同鵝肝，真係每款食一兩件都回本中意食甜品既我當然唔會放過甜品既一環啦除左有西式既蛋糕甜品之外，仲有香滑既燕窩雙皮奶同Movenpick既雪糕搞到我都食左兩三round甜品先收手....滿足到呢整體食物質素都幾好，種類同選擇又唔少，以呢個價位黎講，CP值都真係幾高，難怪當晚都幾爆場
本身諗住三百幾蚊既自助晚餐都係一般般，點知又唔啵，仲幾有驚喜添
先黎飲返啖燕窩龍蝦濃湯暖暖胃，熱下身先
每人都會有一份海膽加蟹籽沙律
雖然唔係好大份，但海膽夠新鮮，食落鮮甜，唔錯唔錯
海鮮冷盤不停refill好新鮮，啲長腳蟹粗身肉鮮，自己都食左兩三條
刺身同壽司都同樣新鮮，啲油甘魚仲要原條上，正
連沙律都有成十幾款，自己就最中意個大蝦沙律，啲蝦好爽彈，配上超甜既蜜瓜同雜莓，清新開胃呀
而熱莗同熟食方面都有好多選擇，中式 西式 印度同泰式既都搵到，唔同口味既家人都各有心水
即切既燒牛肉唔會燒到乾爭爭嚡霎霎咁，要厚切定薄切都可以同店員講
仲有即煎既鐵板羊架 大蝦同鵝肝，真係每款食一兩件都回本
中意食甜品既我當然唔會放過甜品既一環啦
除左有西式既蛋糕甜品之外，仲有香滑既燕窩雙皮奶同Movenpick既雪糕
搞到我都食左兩三round甜品先收手....滿足到呢
整體食物質素都幾好，種類同選擇又唔少，以呢個價位黎講，CP值都真係幾高，難怪當晚都幾爆場
張貼
