影片
更多
2016-07-05
177 瀏覽
觀塘工廈一向係美食既集中地，今次同老公黎左朋友介紹既新開小店。座落0係觀塘工業區，入口都幾新淨幾易搵。大堂好企理，唔係舊式嘅工業大廈。上到5樓，見到好靚嘅門口，新裝修，幾有格調。入面地方好闊落、枱同枱之間有好多位置，唔會聽到隔離傾計，好舒適。佢地每一位侍應，基本上都好好笑容，好有禮貌。特別係當日嘅負責人，一入門口就介紹我地食物。Menu好豐富，好多選擇。我地叫左兩個main dish：墨汁大蝦意大利飯同埋烤羊扒。佢地每一個主菜都有得加錢轉做2/3/4-courses set dinner，好有彈性。我地加左兩個前菜，一個湯。同兩杯飲品。《野菌忌廉湯》佢地唔係用罐頭湯，而係自己打碎磨菇，再慢慢煮成，係好有誠意嘅做法。入口好香濃幼滑，野菌味好突出，好creamy既口感，配一個小餐包，為之後既大餐做好準備。如果個湯上碟時，再熱啲就完美喇。《一口法式田螺焗酥盒》一客兩件，配少少沙律。田螺酥一向唔係我杯茶，但老公話幾好食。《墨汁大蝦意大利飯》大蝦好大隻，有預先煎香過，好有誠意，入口好新鮮。意大利飯用咗好多墨汁去煮，好香濃，調味都做得唔錯。但我個人食意大利飯，鍾意有口感多少少。呢樣野每人口味唔同，
上到5樓，見到好靚嘅門口，新裝修，幾有格調。入面地方好闊落、枱同枱之間有好多位置，唔會聽到隔離傾計，好舒適。佢地每一位侍應，基本上都好好笑容，好有禮貌。特別係當日嘅負責人，一入門口就介紹我地食物。
Menu好豐富，好多選擇。我地叫左兩個main dish：墨汁大蝦意大利飯同埋烤羊扒。佢地每一個主菜都有得加錢轉做2/3/4-courses set dinner，好有彈性。我地加左兩個前菜，一個湯。同兩杯飲品。
野菌忌廉湯
18 瀏覽
0 讚好
0 留言
佢地唔係用罐頭湯，而係自己打碎磨菇，再慢慢煮成，係好有誠意嘅做法。入口好香濃幼滑，野菌味好突出，好creamy既口感，配一個小餐包，為之後既大餐做好準備。如果個湯上碟時，再熱啲就完美喇。
田螺酥
25 瀏覽
0 讚好
0 留言
一客兩件，配少少沙律。田螺酥一向唔係我杯茶，但老公話幾好食。
大蝦墨汁意大利飯
27 瀏覽
0 讚好
0 留言
大蝦好大隻，有預先煎香過，好有誠意，入口好新鮮。意大利飯用咗好多墨汁去煮，好香濃，調味都做得唔錯。但我個人食意大利飯，鍾意有口感多少少。呢樣野每人口味唔同，建議落單時同店主溝通一下。
烤羊扒
15 瀏覽
0 讚好
0 留言
一客有三件，大大件，好足料。羊肉新鮮，肉質好靚，肥瘦適中，有羊味。火候都控制得好好，切開有少少紅，無overcook。可以問店員拎薄荷醬，我就認為比伴碟既醬汁更好食。最驚喜嘅位置係伴碟既薯蓉，冇諗過伴菜佢哋都做得咁認真，好香滑，有好濃郁既牛油同香草味。
手工水果茶
21 瀏覽
0 讚好
0 留言
呢個不得不讚，超。好。飲。佢地上枱時連壺用燭台熱住，確保成餐飯過後都係熱茶。呢部分睇得出店主既誠意，同對飲品既堅持。水果茶係紅茶底，配約十種不同品種既水果。水果鎖住0係茶壺中間既位置，唔會唔小心倒落茶杯度，亦可保留到最後，好貼心。入口好香嘅水果味，小小甜，好清新。茶底好香，但唔苦。呢杯飲品令我對呢間餐廳加唔少分數。
Latte
20 瀏覽
0 讚好
0 留言
埋單兩個人約$500，食物好食，加上有好既服務，食得舒適，雖然觀塘工業區，都算抵食啦！而為左杯水果茶，我都幾肯定會返轉頭！
張貼
