彤粵菜小館 (已結業)

尖沙咀開佐間新既粵菜館，中意食粵菜既我地就緊係要試下先！呢度一坐低就覺得環境闊落，非常舒服！我地先試下有啲東南亞風味既青咖喱雞配薄餅 $218🥘青咖喱唔會太辣，反而有啲香奶油味，啲雞好嫩，吸晒咖喱味，好好食！啲薄餅點落咖喱食好夾好好味！之後有被個名吸引佐既蟹肉銀絲煲，$248🍲蟹肉鋪滿粉絲面，粉絲沾滿蟹膏，又香又好味！砂煲整既粉絲煲好保溫，每啖都熱辣辣好好食！🦀最後飲埋養顏既花膠燉螺頭($158)無味精既湯好清香，係真材實料煲出黎，花膠勁大舊，螺頭都好香，飲完大滿足呀🤤