真秘鍋 (已結業)

天氣一凍就好想打邊爐，於是朋友帶左我去呢間新開嘅火鍋店，地點係旺角，都好方便。呢度d湯底選擇有好多，而且全部都好吸引，掙扎左好耐之後我地揀左龍蝦湯底，侍應拎過嚟嘅時候我嚇左一跳，個湯入面竟然有原隻大龍蝦，足料程度滿分！！！打邊爐當然唔少得肥牛啦，餐廳經理推介左兩款俾我地，分別係牛小排同手切牛。牛小排個碟好靚，肉質比較軟滑，手切牛肉質就比較實而且肉味比較重。另外仲叫左幾隻鮑魚同蔬菜籃，鮑魚夠新鮮，蔬菜籃都整得好有heart，個籃入面青菜都五六款，仲有幾款菇同車厘茄。呢餐火鍋真係好滿足，湯底好濃好好飲，其他食物都高質，鍾意打邊爐嘅朋友一定要試下