影片
更多
2010-07-31
18 瀏覽
自從呢個鋪位的前身Paris Cafe執左之後就一直未有新租戶，係兩三個星期前知道將會開日式拉麵店，上星期日男友就提意去試下。 我地叫左豉油拉麵、凍溫室蕃茄及蟹籽沙律，見有少少眼瞓，想叫杯咖啡提下神，佢叫自己的咖啡做「金牌咖啡」好似好有信心咁，一於試下佢。男友個拉麵整體質素都唔錯，湯底略嫌淡左少少，可以再濃D，不過湯色好清澈，麵質帶有雞蛋的淡黃色，不過就軟身左D，我就較鍾意硬身個種。叉燒唔似其他港式拉麵店個隻柴皮貨式，又無硬冰冰，都算係咁。凍溫室蕃茄只賣＄15，心諗會唔會用本地或大陸蕃茄充當貴價貨，好怕食到唔適合造冷盤的蕃茄因為裡面的籽唔煮過會好酸，食落好彩又OK！雖然我唔肯定係日本蕃茄，而且仲連皮上，不過食味清甜又唔酸，浸著淡淡的豉油，係呢個炎炎的夏日下食落都幾消暑。個蟹籽沙律等左好耐都未到，心諗小小的一碟點解要咁耐既，見個熱的「金牌咖啡」先黎就試下佢，噢，估佢唔到又合格喎！ 無個D劣質咖啡的酸味，反而仲有少少烘培香，最衰只有白砂糖提供，我諗落brown sugar可能再好飲D。蟹籽沙律終於到喇！原來我錯怪左佢，唔只係小小的一碟咁簡單以係一盤仔呀，我唔記得係賣$15等$25，青瓜絲切
我地叫左豉油拉麵、凍溫室蕃茄及蟹籽沙律，見有少少眼瞓，想叫杯咖啡提下神，佢叫自己的咖啡做「金牌咖啡」好似好有信心咁，一於試下佢。
男友個拉麵整體質素都唔錯，湯底略嫌淡左少少，可以再濃D，不過湯色好清澈，麵質帶有雞蛋的淡黃色，不過就軟身左D，我就較鍾意硬身個種。叉燒唔似其他港式拉麵店個隻柴皮貨式，又無硬冰冰，都算係咁。
凍溫室蕃茄只賣＄15，心諗會唔會用本地或大陸蕃茄充當貴價貨，好怕食到唔適合造冷盤的蕃茄因為裡面的籽唔煮過會好酸，食落好彩又OK！雖然我唔肯定係日本蕃茄，而且仲連皮上，不過食味清甜又唔酸，浸著淡淡的豉油，係呢個炎炎的夏日下食落都幾消暑。
個蟹籽沙律等左好耐都未到，心諗小小的一碟點解要咁耐既，見個熱的「金牌咖啡」先黎就試下佢，噢，估佢唔到又合格喎！ 無個D劣質咖啡的酸味，反而仲有少少烘培香，最衰只有白砂糖提供，我諗落brown sugar可能再好飲D。
蟹籽沙律終於到喇！原來我錯怪左佢，唔只係小小的一碟咁簡單以係一盤仔呀，我唔記得係賣$15等$25，青瓜絲切得幼細，蟹籽的份量都算唔少，凍凍地幾好食。
Overall，呢間新餐廳俾到唔少驚喜我，可能本身對開係西灣河平民地區的拉麵店無抱太大期望，估唔到又做得幾有誠意，同區內就只有較貴的札幌元祖拉麵，希望呢間誠意小店做得住啦！
張貼