Bella Shine (已結業)

放假同女朋友食好d，去既係一間說新餐廳 bella shine，位於觀塘，以價錢合理同高質食物質素，深得一班朋友推介！上到去，睇到餐廳走既係工業風簡約路線，好有外國餐廳感覺，like我地叫左一個豬手，一個意大利飯，女朋友叫既係set，頭盤先嚟一個日本清酒生蠔+西班牙風乾火腿伴煙燻溏心蛋單單賣相已經有米芝蓮餐廳水準！西班牙Parma ham多數加蜜瓜，但加溏心蛋呢個組合出奇地又幾配合。清酒生蠔—微微酒香加上生蠔，有新鮮感又鮮味滿分💯再嚟一個甘笋薑藍青口濃湯，甘芛清甜，帶有少少薑味，有d似蕃薯糖水味配上手作蒜蓉包，香而脆！嚟到主角德國咸豬手，份量非常大份！實在係外國人份量！典型咸豬手係好咸，但餐廳經過調整後，咸度減少，但皮依舊好似燒肉咁鬆脆！肉質唔鞋口肉仲好嫩，難得！女朋友既輕煎帶子黑松露意大利飯都好唔錯，刺身帶子略煎香兩邊，保持內裡鮮味，配上比較heavy既意大利飯又有一個平衡點。每一啖都有濃濃既既黑松露味！甜品又係一個呃like既機會，紅豆抹茶奶凍濃濃既抹茶味配上紅豆，好一個美味既宇治金時，嫌甜既食一啖呍呢拿雪糕中和返就岩岩好喇