龍師傅重慶燒烤

營業中

休息中

前幾日小妹經過廟街突然口痕🤤好想食串燒，撞啱見到呢間龍師傅重慶燒烤😎 呢間燒烤店分兩邊，一邊係師傅既廚房，一邊係顧客坐低係度食，雖然坐位唔太多，而且職員知道天氣熱，所以職員開哂所有風扇，感覺都夠涼，加上通風系統唔錯，食完唔擔心成身有燒烤味🥸當然燒烤店都可以外賣🥡而家因為新張期內有$50/5枝任擇串燒優惠，非常抵👍🏻小妹今次點咗羊肉串、牛肉串、五花腩肉串、牛油燒粟米、蒜蓉牛油燒金菇、焦糖燒菠蘿🍍🐑羊肉串竟然食唔到羊羶味，味道唔錯😆🐂牛肉串同平時其他店食時有dd 唔同，呢間店將羊肉整碎，再串埋一齊，肉質感覺幾軟，牛肉味重☺️🐖五花腩肉串腩肉肥肉適中，唔會覺得成嚿肥豬肉，加上用咗重慶孜然香料，調味惹味，食落香口，腩肉味香濃，鎖到肉汁🙂🌽牛油燒粟米燒到鮮甜多汁，聞起黎仲好有濃濃粟米味🌽🧈蒜蓉牛油燒金菇呢盒金菇排得整齊，上面鋪滿粒粒蒜蓉，加埋牛油🧈去燒，香味十足，金菇燒得剛好，脆嫩口感👍🏻🍍焦糖燒菠蘿菠蘿以原片上，加砂糖燒至焦糖脆面，味道酸甜，加上有卜卜脆嘅焦糖脆面，味道好滋味😚天氣炎熱🥵小妹建議外賣🥡返屋企開冷氣食會更滋味👍🏻雖然當日只有1位職員，但上菜速度好快，不得不讚🤩