Artisan Cafe (已結業)

成日路經呢間位處十字路口一隅o既cafe，行過都偷瞄一下入面個環境。今日難得約埋朋友仔聚舊tea一tea。走進店子，靠近門口是開放式水吧，店內環境不算寬敞，十來個座位一目了然，不過佈置頗見心思，播著英文舊歌，洋溢溫馨感入座後餐廳職員遞上餐牌，食客需自行到櫃枱點菜，職員會把食物送到食客枱上。聞說此餐廳甜品不錯，下午茶時段包飲品americao或tea，叫左「香蕉蛋糕配香草雪糕」同「法式薄餅配太陽蛋，西班牙火腰及瑞士芝士」。「法式薄餅配太陽蛋，西班牙火腰及瑞士芝士」一上枱，見到個太陽蛋強黃甘生，該燴囉！嚇到我個心離一離呀! 真係好怕食甘生的雞蛋，但叫左都無法，唯有將個蛋撈落個薄餅度，務求溝淡佢。非常意外地，咸薄餅雖然沾滿蛋汁，但夾埋個薄切西班牙腿同芝士，又食唔到生蛋黃腥味，味道仲出奇甘夾，口感滑溜富質感。軟身磨菇同爽身白磨菇結合，咬落有層次。「香蕉蛋糕配香草雪糕」蛋糕及雪糕中規中距。喝一口熱檸茶，與朋友東拉西扯談天說地，好愜意、懶洋洋的一個下午。