影片
更多
2021-04-09
1236 瀏覽
呢間野長期大量外賣車隊等候，同附近其他店形成強烈對比，今日我都終於試咗啦。我同朋友從一盒盒擺喺度等緊外賣仔黎拎既外賣睇到，最多人嗌似乎係個拌麵。不過今日想食飯，我地兩個人都嗌咗鹽酥雞魯肉飯。我唔飲茶，所以我個餐飲就轉左-$10優惠價嗌咗個芋圓糖水。唔好睇盒飯仔細細咁，打開都pack到幾滿，份量都幾多。有半隻蛋，有啲酸菜，有啲青瓜絲，有勁多魯肉，同埋塊雞扒。雞扒炸得幾好，唔會好多粉漿，又唔會炸到好熱氣咁，雞肉好滑。啲飯都煮得岩岩好，魯肉唔係肥淋淋油淋淋嗰款。我呢排胃口唔好，都差唔多食哂成個咁濟。芋圓糖水無影到相，芋圓係幾煙韌，糖水甜度適中，不過唔算令人印象深刻。只係附近工廠區都無咩糖水嗌，想食糖水時都可以試下。下次想試下拌麵同埋個鹽麴雞。睇人地個鹽麴雞飯盒啲雞好似份量少少地咁。下次試咗再寫食評啦。
我同朋友從一盒盒擺喺度等緊外賣仔黎拎既外賣睇到，最多人嗌似乎係個拌麵。
不過今日想食飯，我地兩個人都嗌咗鹽酥雞魯肉飯。我唔飲茶，所以我個餐飲就轉左-$10優惠價嗌咗個芋圓糖水。
唔好睇盒飯仔細細咁，打開都pack到幾滿，份量都幾多。有半隻蛋，有啲酸菜，有啲青瓜絲，有勁多魯肉，同埋塊雞扒。雞扒炸得幾好，唔會好多粉漿，又唔會炸到好熱氣咁，雞肉好滑。啲飯都煮得岩岩好，魯肉唔係肥淋淋油淋淋嗰款。
我呢排胃口唔好，都差唔多食哂成個咁濟。
芋圓糖水無影到相，芋圓係幾煙韌，糖水甜度適中，不過唔算令人印象深刻。只係附近工廠區都無咩糖水嗌，想食糖水時都可以試下。
下次想試下拌麵同埋個鹽麴雞。睇人地個鹽麴雞飯盒啲雞好似份量少少地咁。下次試咗再寫食評啦。
張貼
