金寶泰國菜館

營業中

休息中

一直想食泰國菜好耐，之前放假決定同朋友去九龍城食泰國菜，由於太多選擇嘅關係，最後選擇食金寶泰國菜館。泰國菜對於我黎講最吸引係冬蔭功湯同生菜包。📍 泰式生菜包辣肉碎沙律(雞/牛/豬)生菜包叫左豬肉碎，生菜好大塊，肉碎好惹味，辣辣地，配搭埋一齊食一流。📍冬蔭功湯(細)雖然我地叫左細份量，但每人都可以飲到兩碗。味道好濃郁，煲下面有個小火爐熱住黎食，唔會即刻凍哂，啲火燒完，職員有主動收走個爐先，好貼心。📍泰式拼盤(細)有鳳尾蝦春卷，香葉包雞，泰式串燒同炸蝦餅，全部都好好食，跟咗2款醬汁，可以按個人口味去沾。如果你都掛住泰國嘅味道，呢間可以一試。