相馬日式火鍋 (已結業)

老公琴晚話唔想煮飯想打邊爐，但我哋收工之後都已經好晏冇時間買材料，咁就唯有出街食，朋友推介我哋呢一間屋企附近嘅相馬日式火鍋店。🤩任食大閘蟹 呢排咁啱做緊大閘蟹嘅放題，當然要食返幾隻大閘蟹啦，因為而家係大閘蟹嘅最佳時期，大閘蟹食落特別鮮味無窮。🤩一次性極上蒸海鮮而家啲海鮮都幾貴下，估唔到呢個價錢都食到咁好質素嘅海鮮，蒸海鮮最睇得出啲海鮮係咪新鮮，真係每一款都食到好鮮甜嘅味道，一啲腥味都冇。🤩美國特選牛肩胛火鍋方面唔少得牛肉，咁我就梗係揀質素最好嘅美國特選牛肩胛，望落賣相已經好吸引，顏色鮮艷之餘，牛肉食落仲好有咬口添。🤩粟米平時打邊爐想個湯底清甜啲，我都會加啲粟米落去，湯底嘅味道就會更加清甜好味。🤩豆卜打邊爐當然唔少得加豆卜，加咗豆粕落去，真係可以吸晒啲湯底嘅精華，正！