文華饕記 (已結業)

有一日，黎左呢間茶餐廳食早餐，早餐到11:30都有，唔驚遲左起身無得食。餐廳好多卡位，坐得舒服。電視播viutv，扺讚💛早餐多選擇，實有一款啱食。揀左a餐，牛腩粒蕃茄通心粉，炒滑蛋，蒜蓉多士，熱檸水，$38，灣仔區，扺到爛！好快黎齊野食。望下個牛腩粒茄通，d牛腩粒多到，成6舊，仲要厚切大大粒，好過份啊，無試過食到咁滿足嘅茄通。💛💛蒜蓉多士，好香蒜蓉同牛油香。炒滑蛋，真係幾滑，同埋好大份，足足半隻碟，唔似得某d茶餐廳淨係得一角仔。完全唔知點解咁多差評啊，姐姐服務態度唔錯，食茶餐廳你都唔expect五星級服務啦，正常落單，送餐，收碟，抹枱，好過唔少茶餐廳。要多d幫襯，大大力懲罰小店。💛💛