老金煎餅 (已結業)

每次lunch time去買早餐比老公時, 我都會行過呢間野, 佢唔係開左好耐, 但見佢話煎餅已好想好想試!! 但唔知點解梗係無的起心肝試!!!前日, o係公司收到張宣傳單張, 係呢間老公煎餅既coupon, 買任何煎餅你用呢張coupon就可以半價有飲品或小食! 好一個理由比我去試!!今日lunch time終於走去買!! 我首先試左個"上海肉鬆煎餅", 係有豬肉鬆同辣菜甫, 我用張coupon叫左個香麻藕片!! 埋單都係$42蚊!! 唉...O係中環你食個42蚊既LUNCH, 算好抵架勒...件野好大件!! 食一件都好飽好飽!! 不過我唔鐘意佢有芫茜O係入面!! 唔鐘意芫茜浸味, 如果無左佢, 我覺得個煎餅會好好味!! 同埋個辣菜甫我個人覺得都幾辣, 不過係可以接受既!!我見好多人都係叫烤鴨煎餅, 等我又試下先!! 不過聽日我要試左其他味先!! 聽日要試星洲甜煎餅!!!