影片
更多
2007-11-29
20 瀏覽
聽聞Ritz Carlton只係做埋出年一月，而佢個semi-buffet好似幾好咁，所以就揀咗Ritz Carlton既The Cafe同細妹慶祝生日。Ritz Carlton既semi-dinner-buffet，頭盤同甜品係任食，而主菜就set定咗。頭盤有Irish生蠔(細細隻，味道唔錯，而且大部份都係即開)。西班牙燴飯(有好多海鮮，不過太多雞肉)，Parma Ham(唔太鹹，就算唔加蜜瓜都可以就咁食)，煙三文魚(質感非常好)，龍蝦湯(唔夠香/鮮，無咩龍蝦味)，沙律(由個chef幫你整，不過個Caesar沙律汁唔係咁夠味)，仲有日式茄子，帶子等。主菜係軟殼蟹，鵝肝併牛柳。個軟殼蟹就好普通，細妹認為用黎做手卷會好食d。至於牛柳，好”林”，有肉汁流出黎。鵝肝就細咗d，只有五蚊咁大，不過就好好味，表面煎得香口，而入面就入口即溶。雖然細咗d，但係做得好出色。不過細妹份鵝肝就唔係咁得，非常”so”。有d似燒鵝近pat pat部份個種”so”味。最後佢地換咗件鵝肝比細妹，不過味道都係差少少，無我嗰件咁好食。最奇怪就係個汁，係甜甜地既鼓油汁，我覺得同個菜唔係咁match。至於甜品，老實講就真係
Ritz Carlton既semi-dinner-buffet，頭盤同甜品係任食，而主菜就set定咗。
頭盤有Irish生蠔(細細隻，味道唔錯，而且大部份都係即開)。西班牙燴飯(有好多海鮮，不過太多雞肉)，Parma Ham(唔太鹹，就算唔加蜜瓜都可以就咁食)，煙三文魚(質感非常好)，龍蝦湯(唔夠香/鮮，無咩龍蝦味)，沙律(由個chef幫你整，不過個Caesar沙律汁唔係咁夠味)，仲有日式茄子，帶子等。
主菜係軟殼蟹，鵝肝併牛柳。個軟殼蟹就好普通，細妹認為用黎做手卷會好食d。至於牛柳，好”林”，有肉汁流出黎。鵝肝就細咗d，只有五蚊咁大，不過就好好味，表面煎得香口，而入面就入口即溶。雖然細咗d，但係做得好出色。不過細妹份鵝肝就唔係咁得，非常”so”。有d似燒鵝近pat pat部份個種”so”味。最後佢地換咗件鵝肝比細妹，不過味道都係差少少，無我嗰件咁好食。最奇怪就係個汁，係甜甜地既鼓油汁，我覺得同個菜唔係咁match。
至於甜品，老實講就真係一般或麻麻地。個pancake無cream，所以好乾。佢有個甜品，賣相好似雪糕，但d味怪怪地，食落有食冰皮月餅綠豆蓉既感覺，而且係唔會熔。原來真係唔係雪糕而係芒果飯，不過一d芒果味都無。其他cakes，都係大路野，無咩驚喜。至於雪糕，就得sorbet，味道都ok。
尋晚既services我地全部人都非常滿意。由於有special offer，所以有一盒Ritz Carlton chocolate，個packing都幾靚。另外佢地仲送咗隻Ritz Carlton小獅子比我細妹做生日禮物添。我地今次坐樓下，雖然同後面張二人枱好近，但也很坐得很舒服，而且唔使行上行落。
張貼