唐記包點 (港鐵將軍澳站)

營業中

休息中

難得請左假做body check, 加上落雨，今日下晝成三點先返到屋企同媽咪late lunch / tea. 由於肚餓，到左地鐵站就去買唐包點返屋企慢慢食。原本想買新出嘅流心何華田包，點知已經賣哂😭下次早餐時間就要快手買！我哋買咗咖哩牛腩飯、章魚肉餅飯、紅豆包、番薯包，缽仔糕，同埋菜肉包。飯夠企理衛生又夠熱，分量十足，飯煲得唔會乾身。牛腩香軟，咖哩辣度適中，送飯一流、章魚肉餅夠口感冇過多肥肉。番薯包同紅豆包包軟餡足唔太甜，令饀料味一直突出。缽仔糕叮熱10秒后微暖食，黃糖香甜及紅豆增加咬感。最後俾兒生女食嘅半個招牌菜肉包，豬肉新鮮juicy,連小朋友都鍾意，做下午茶最適合不過。