臺北棧 (荷李活道) (已結業)

Check-in Taipei 手繪雙色鹽酥雞：大大嚿外脆內軟嘅炸雞，再配合黑松露沙律醬同埋柚子沙律醬，柚子醬味道清新，消除油膩感，而黑松露醬味道濃郁，香味充斥口腔，齒頰留香。性價比高。台式肉鬆榨菜蛋餅：榨菜同肉鬆嘅配搭，非常創新，喺餐牌上面見到，即刻忍唔住落單，結果並沒有失望，非常立體嘅口感，蛋香、肉鬆、榨菜三個味道非常配合，一嚿接一嚿。爆葱牛肉麵：果然係勁多蔥，我自己都非常鍾意食蔥，因為覺得有蔥嘅面，香氣加強好多架！牛肉麵最重要一定係個湯底，我差唔多飲晒碗湯，你就知道個湯有幾好飲，一啲都唔油膩，亦都唔會好跩，好厚身嘅牛展，而且非常淋，滿足。豬軟骨鯊魚骨豆乳湯麵：食第一啖就已經知道，骨膠原非常充足豐富，亦都食得出豆嘅香味，豬軟骨真係有啫喱骨嘅感覺。巴洛苦瓜汁：一個鮮甜嘅生果，再配合一個出咗命苦嘅蔬果，估唔到，竟然可以有咁清新嘅口感，巴洛嘅清甜直入口腔，淡淡嘅苦瓜味回甘。