豚王 (新城市廣場) (已結業)

豚王拉麵好似係沙田都已經好耐歷史 不過我都好少食 原來佢d枱係一大張咁 2個人要並排坐一邊 呢度選擇唔多 啱哂選擇困難症嘅人 今次試左個黑色嘅黑王同一個加左辣嘅豚王 黑王上面有秘製嘅黑醬 撈埋落去味道好特別 不過咸左少少 佢每個拉麵都有得自己揀面軟硬度 濃淡 肥定瘦肉呀等等 鍾意食辣嘅人可以揀到好辣 成碗都紅哂 我試左一少啖湯都頂唔順 朋友就覺得好好味 另外仲有叫左一個餃子 不過食完都唔記得左影 餃子煎得唔夠脆 皮都幾厚 個人不推介啦 本身拉麵都有舊肉 可以唔加餃子都得如果間唔中想食拉麵都可以嚟呢度嘅