星願 居酒屋 (已結業)

呢段時間買乜真係乜都貴，就算真係願意捱貴價，都唔係嗰個街市檔口都開到好夜，遲收工嘅人通常街市都已經畀人買曬新鮮靚嘅食材，所以見咁嘅情況我都係出去食好過，反正同佢屋企自己煮都冇分別，索性喺出面食算數。最近去朋友屋企打麻雀行過一間日式料理，原本仲打算叫外賣一齊返去食，見到呢間裝修得有幾有格調，餐牌上面嘅日式料理拉麵有幾吸引就入去試下。朋友嗌左南蠻炸雞拉麵【 $68】係一個炸雞配一個傳統嘅日式拉麵配搭，雖然炸雞係分開擺，但係拉麵因為佢嘅擺盤睇落依然非常豐富，睇個色澤都好好食！我就叫咗泡菜海鮮拉麵【 $68】淨係見到佢鮮橙紅色嘅湯底都非常之吸引，有濃厚嘅鮮甜海鮮味，仲有帆立貝、青口、海蝦呢啲海鮮，都好鮮甜多汁！建議大家嚟試下！