影片
更多
2023-06-09
45 瀏覽
突然超想食雞煲，但又喺火鍋同雞煲之間猶豫不決，所以嚟到「熊本牛鍋」醫醫我嘅選擇困難症先😂✨澳洲和牛套餐✨呢個套餐可以任食各種肉類，包括澳洲和牛、牛白肉、頂級牛小排、牛肩胛等，另外豚肉、雞肉、飲料及啤酒、全場火鍋配料都係任食，重點係食足180分鐘，時間十分充足，可以慢慢食唔駛急急腳😬一坐低我哋就去咗拎飲品，雪櫃裡飲品款式極多，剩係韓式飲品已經好多可以揀，另外啤酒亦都係任飲，收工嚟同同事啤啤佢係唔錯嘅✨隨餐附送一個和風海鮮雞煲，入面有鮑魚、蜆、大蝦、紫薯、豆卜、洋蔥等等，嫩滑嘅雞肉加上秘制醬汁喺鍋裡翻炒，濃濃嘅醬汁包裹住每件雞肉😋一次過食到牆嘅咸香同雞肉嘅肉香；鮑魚亦好Q彈，吸滿醬汁之後更加分，另外蜆肉就算放放喺雞煲醬汁煮過後都係好鮮甜！食到咁上下店員就會加入豬骨湯以及送上肉類，打邊爐正式展開🤝肉類方面我哋叫咗澳洲和牛、牛白肉、頂級牛小排、牛肩胛等及豚肉。特別要點名表揚澳洲和牛💁♀️肉香四溢，肥瘦適中，燙熟後有股屬於牛肉嘅奶香，配上胡麻醬食就特別香，實現真正嘅和牛自由🤲另外亦推介牛白肉，含豐富骨膠原，油脂一觸即發入口即溶，香口而不膩‼由於用餐位置同火鍋材料區及調味料區都幾近，所以都幾方便😚
突然超想食雞煲，但又喺火鍋同雞煲之間猶豫不決，所以嚟到「熊本牛鍋」醫醫我嘅選擇困難症先😂✨澳洲和牛套餐✨
呢個套餐可以任食各種肉類，包括澳洲和牛、牛白肉、頂級牛小排、牛肩胛等，另外豚肉、雞肉、飲料及啤酒、全場火鍋配料都係任食，重點係食足180分鐘，時間十分充足，可以慢慢食唔駛急急腳😬一坐低我哋就去咗拎飲品，雪櫃裡飲品款式極多，剩係韓式飲品已經好多可以揀，另外啤酒亦都係任飲，收工嚟同同事啤啤佢係唔錯嘅✨
隨餐附送一個和風海鮮雞煲，入面有鮑魚、蜆、大蝦、紫薯、豆卜、洋蔥等等，嫩滑嘅雞肉加上秘制醬汁喺鍋裡翻炒，濃濃嘅醬汁包裹住每件雞肉😋一次過食到牆嘅咸香同雞肉嘅肉香；鮑魚亦好Q彈，吸滿醬汁之後更加分，另外蜆肉就算放放喺雞煲醬汁煮過後都係好鮮甜！
食到咁上下店員就會加入豬骨湯以及送上肉類，打邊爐正式展開🤝肉類方面我哋叫咗澳洲和牛、牛白肉、頂級牛小排、牛肩胛等及豚肉。特別要點名表揚澳洲和牛💁♀️肉香四溢，肥瘦適中，燙熟後有股屬於牛肉嘅奶香，配上胡麻醬食就特別香，實現真正嘅和牛自由🤲另外亦推介牛白肉，含豐富骨膠原，油脂一觸即發入口即溶，香口而不膩‼
由於用餐位置同火鍋材料區及調味料區都幾近，所以都幾方便😚 特別推介各種大大粒自家製手工水餃🥟佢哋有幾款口味水餃定期推出，包括粟米豬肉水餃、韭菜豬肉水餃、芹菜豬肉水餃、香菜豬肉水餃，當日仲有魚皮餃同鮮蝦雲吞🥟粒粒脹卜卜大大粒，仲要係自家製，一定要試呀🙋另外必食台灣鴨血，食得出唔係一般超級市場貨色‼️原來鴨血貨源真正來自台灣，唔怪得特別惹味👀仲有芝心丸一咬就食到濃郁芝士味，仲爆漿㖭，推介！墨魚滑非常好食，墨魚肉鮮甜爽口又彈牙，同朋友一人KO咗一條😂
除咗手工水餃同鴨血外，配料種類亦繁多，例如有各式丸類（麻吉燒、芝士獅子狗、魚腐、蟹籽丸、芝心丸、蟹柳等）、蔬菜（菇菌類、南瓜、秋葵、粟米、羽衣甘藍等）、麵類（港式雲吞湯麵、公仔麵等），仲有墨魚滑、無骨黑魚片、魷魚、豬皮、牛陌葉、炸魚皮、炸響鈴等多款滋味食材，數都數唔晒🧐
以為食完雞煲同打邊爐就收工喇咩？有咩可能😎熊本牛鍋更提供番薯糖水、雪糕及小泡芙，為咗甜品開發另一個胃絕對冇問題啦，滿足加倍！
熊本牛鍋人氣真係幾高，眼見現場每檯都坐滿晒咁濟👣熱騰騰嘅火鍋冒著煙，好有氣氛，感覺就好似喺屋企打邊爐一樣咁親切輕鬆，所以上嚟食之前記得BOOK位呀😉*現凡當月生日嘅客人，WhatsApp提早預訂及說明該優惠，4人或以上同行，壽星即可免費$268皇牌套餐/$298澳洲和牛套餐！另外佢哋有會員獎賞計劃，只需要惠顧熊本牛鍋將會獲得會員儲印卡及惠顧人數印章，凡惠顧熊本牛鍋每一位客人將獲贈一個印章，凡儲滿指定數量印章下次惠顧可換領熊本牛鍋免費獎賞 (例如五個印章有免費二人份量海鮮塔) 識玩緊係叫多啲朋友嚟食啦～
張貼
