串燒堂 (已結業)

好開心呀喺西環又搵咗一個好地方食串燒，呢間串燒店，雖然店舖唔係好大，但係有好多唔同類型嘢食，除咗有多款串燒，仲有炸物、小食、甜品……串燒即叫即燒，熱辣辣，加埋孜然粉香噴噴，加埋可以揀，辣或者唔辣！蒜蓉燒大茄子（必食）加咗好多蒜蓉，孜然粉，茄子大大塊，好滋味。日本一口和牛粒、燒五花腩一口和牛，入口即溶。五花腩肥瘦比例啱啱好。芝士炸雞估唔到串燒店，都有芝士炸雞食，炸雞入邊啲芝士又香又滑。流心芝士年糕年糕表面燒到小小燶，入面煙煙韌韌，一口咬落去，芝士流晒出嚟，好食，食咗兩個都唔夠，之後我哋兩個人再嗌多一碟。燒朱古力香蕉好特別，燒香蕉，香蕉切開一半連皮燒，香蕉越軟淋淋，加埋朱古力醬一齊食，做飯後甜品一流。