三公台灣料理 (已結業)

最近經過旺角見到呢間好光猛嘅樓上台式餐廳——🌟三公🌟好似好吸引，仲要好耐無食過台灣野啦，一於試試佢🤩環境光猛，空間坐位寬敞，唔會坐得逼結._./ 拌麵系列 /🦀｜蟹肉魚籽拌麵便當｜🦀（配飲品：茉莉毛尖）見到我最愛嘅蟹肉魚籽緊係必點啦，佢有得配飯食，而我就想食麵類，所以揀咗拌麵，佢個拌麵係伊麵口感，好索汁，每一啖都好惹味🤩再配埋啲蟹肉同魚籽，仲有各種配料配埋一齊，勁有口感😋配上嘅飲品可以自選甜度同冰量，我揀嘅呢個茉莉茶好香濃，清清甜甜👍🏻•/ 三公椒麻拌麵系列 /🌶｜蟹肉魚籽椒麻拌麵便當｜🌶（配飲品：古早味冬瓜茶）而呢個配坤料係一樣，只係加咗三公椒麻，啱曬鐘意食辣嘅人，辣度唔算好辣，椒麻味好香🌶冬瓜茶無得揀甜度的，味道相對較甜，冬瓜茶夏天清暑一流🌟•/ 台式小食 /🐥｜鹽酥雞｜🐥炸到好香脆，鹽酥味好夠，咬落外表卜卜脆，裏而肉質好juicy嫩滑✨·👅｜椒麻鴨舌｜👅椒麻味好香，少少辣幾過癮，仲要配上算多肉嘅鴨舌💕•/ 台式甜品 /🧡｜百香果白玉愛玉｜🧡飯後甜品點咗個好清甜嘅百香果味嘅愛玉解解暑，酸酸甜甜嘅百香果好解膩，份量多，兩個食完都好滿足✨._.