川公所 (已結業)

由於我同我屋企人都係好鍾意食辣野 我哋一家人都係無辣不歡主義者，所以我哋平時都會去唔同地方食唔同嘅川菜 今日想特別推介一下位於九龍灣淘大花園嘅<川公所>，呢度嘅菜式好特別 碟頭都好大份 今次我哋主要叫咗口水雞 口水雞用咗佢哋嘅秘製醬汁製作而成，另外仲有叫咗佢哋嘅紅燒茄子 用嚟撈飯食真係一流！因為餐廳調教嘅味道真係好適合香港人嘅口味，唔會太辣☺️最後我哋仲叫咗黑糖糍粑，鋪滿左芝麻外脆內軟口感好鬆軟❤️一碟份量有六粒 每人兩粒做飯後甜品，真係啱啱好！整體我哋都非常滿意今餐嘅川菜料理，鍾意食辣嘅🫶🏻你快啲嚟挑戰下啦！