Bulldog Hotdog (廣福道) (已搬遷) 新店位置

秋天最好嘅活動就梗係遠足郊遊踩單車啦 今日去完大埔踩單車之後 經過呢間位於廣福道嘅熱狗專門店bulldog hotdog 鋪面非常細 淨係做外賣生意 但係衛生情況理想 而且 價錢唔貴 值得一試叫咗個招牌熱狗 上面有紅腰豆辣肉醬 酸忌廉同埋芝士粟米片 味道惹味 而且熱狗腸份量十足 有咬口 成個配搭好夾 加錢仲可以轉套餐 包咗一個小食同埋汽水 叫咗芝士條 外面係吉列皮 非常脆口 入面係熱溶芝士 可以做到拉絲效果 非常好味朋友就叫咗個日式鰻魚熱狗 上面有燒汁 沙律醬 紫菜木魚絲等等 好似跳舞咁 下面就加左非常厚肉嘅汁燒鰻魚 食落味道幾得意 不過有啲搶左熱狗腸嘅味道以呢個價錢嚟講食 一隻巨型熱狗非常抵食 不過只可以外賣