I Leisure (已結業)

忙裡偷閒，朋友帶我黎呢到樓上餐廳食野傾計黎RELAX一下，尖沙咀平時就行得多，但上黎呢棟大廈食野就真係第一次。今次叫左 德國豬手($198)、SHAKE SHAKE海鮮袋 - 5款海鮮($558)，另外而家做緊優惠，二人同行惠顧主食就有麻辣小龍蝦(原價$188)送添🤩呢到係酒吧西餐廳形式經營，所以黎到都幾多人飲酒放鬆一下，本身我都想飲返杯，不過最近有D唔舒服唯有忍一忍口😛今次冇叫到飲品，但係職員都主動詢問要暖水定凍水，服務好細心👍🏻座位方面以鳥籠設計，都幾靚同埋同其他枱之間有空間感，好適合RELAX傾下計😁等食海鮮袋之前，職員先送上圍巾同即棄手套，咁樣用手食就夠方便，同埋唔使驚食嘅時候整污糟個身啦😉SHAKE SHAKE海鮮袋：今次自選左5款海鮮，分別為活鮑魚3隻、游水海蝦8隻、活青口8隻、大元貝4隻、活大蜆8隻，另外仲有D粟米、腸仔配料。海鮮夠新鮮，食落去肉質彈牙唔會霉，特別係個鮑魚同大元貝，啖啖肉，真係一流😋活大蜆都要讚，食落無沙👍🏻而呢個海鮮袋最正嘅地方，就係佢自家秘製嘅馬來西亞特色辣汁，將D醬汁加入去再連埋海鮮配料等不斷搖勻，令所有食物都充滿住醬汁，就算粟米、腸仔呢D配料都入晒