HAHA CHICKEN 하하치킨 (西九龍中心)

營業中

休息中

今日Duck哥🦆係西九龍政府合署做完嘢，順道逛下隔離西九龍中心，為食嘅我梗係要行下food court啦😆！見到一間韓式炸雞店“HaHa Chicken”。大約$50蚊嘅1️⃣人炸雞套餐，已經有3️⃣件炸雞及2️⃣件年糕，再配汽水及卡邦尼飯/安東雞飯/白飯或一件炸雞，仲可以加$2️⃣0️⃣優惠價換購滋味薯條1盒(小)。嘩😱！見未試過又咁抵，真係忍唔住要買啲返屋企開心share😃。炸魷魚套餐跟卡邦尼飯 $57魷魚🦑炸得香脆乾身，質感彈牙有魷魚香味，卡邦尼飯醬汁似忌廉白汁，但滲出淡淡芝士味🧀，又加入洋蔥粒🧅、薯粒🥔及煙肉粒🥓，令味道十分香口好食😋。炸年糕口感煙韌，有嘴勁🥰。蒜香醬油炸雞餐跟一件炸雞 $48雞件及年糕炸過後，再混上蒜香醬油，雞件🐓肉厚質感軟滑，外層微脆帶醬油鹹鮮味。年糕稀上醬汁更加好味😋。原味炸雞餐跟白飯 $48雞件🐓炸得香口乾身，外層香脆肉質嫩滑。配白飯🍚一齊食同樣好味又好餸飯😋。加$40配咗2盒細薯條(狂熱及紫菜味)薯條🍟炸得香脆，狂熱味味道微辣惹味，紫菜香口，兩款同樣好好食😋。總括而言，價格親民，份量唔少，惹味之選。