香辣鮮

營業中

休息中

好耐無食烤魚，見呢間評價都唔錯，決定同朋友試下。呢間係小店，但以烤魚及雞煲為主，我地見餐牌都好多選擇，奇味雞煲，香辣雞煲等，仲有幾款烤魚，小食同冷盤都有，望到隔離食烤魚，賣相唔錯！因為兩個人食只係叫左一款烤魚及薯粉，仲想叫多幾樣小食，店員提醒怕我地兩人食唔晒，唔夠再叫，好窩心，好有待客之道的水準。烤魚上枱，真係一點都唔細，配料勁多，酸菜、薯仔片，鮮菇等，我地揀左酸菜江團魚，魚肉好鮮味嫩滑。魚皮炸過，好香脆，唔油膩，口感十足。魚肉及配料都吸晒湯汁，好濃郁，越食越惹味。食到最後，薯粉滿滿的湯汁，滑溜又彈牙，配上兩支凍飲，真係一流！食到好滿足，價錢仲要好親民！諗唔到長沙灣都有咁高質的隱世小店，值得再試。