大樹燒烤 (已結業)

上次同朋友傾開串燒就一直好想食，要搵到性價比高、油煙少、環境舒服嘅就要下一番苦工啦。今次去尖沙咀行街街，就專程食左位於尖沙咀厚福街嘅大樹燒烤。好食到癲！！一到步店員就會幫手點着個爐，食物唔係你自己烤，而係佢地烤完之後放喺台面嘅熱爐上保溫，此舉大好呀！意味住基本上係無油煙。茄子：一個字大，兩個字超好食，調味一流，多汁惹味。即開即燒生蠔：繼續頂級調味，生蠔燒完仍然嫩滑多汁，正。鮮烤白鱔：肥美，肉質厚實彈牙。其實仲叫左好多款，牛丸多汁到爛，沙冰重本足料，羊骨扒風味一流。回味無窮！