Pret A Manger (已結業)

Pret a Manger係英國過江龍，主打三文治同湯，亦有沙律同埋yogurt供應。本來淨係開喺多海外人士嘅商業區（因為對佢哋來講係家鄉菜），自從香港人都開始注重飲食健康後，分店越開越多。南豐大廈呢間有好多舒適嘅枱櫈，地方寬敞，方便輕輕鬆鬆享受午餐。食開熱飯，對於冷冰冰嘅雪藏三文治冇乜興趣。反而佢有款可以加熱嘅『特級公司即烘香脆三文治』深得我心，加多個『五果鮮莓香脆乳酪』。三文治唔駛一分鐘就加熱好，入面啲芝士變得流心，夾埋香噴噴嘅雞肉同煙肉，天下美味。乳酪同啲麥片撈埋一齊，有咬口又有層次，感覺新鮮又幾健康。