影片
更多
2021-09-11
71 瀏覽
同朋友行街行到又餓又攰，佢話好耐無食過火鍋，佢知道呢幢大廈有間食雞煲火鍋都幾好，佢就帶我上去。呢度全層都係屬於呢間餐廳，環境又大又闊落，我哋仲坐窗口位，對住個靚境食飯添。我哋叫左個小辣雞煲，雞切得大小適中，肉都幾多，雞煲越食越辣，好惹味，我就幾鐘意，好好食。食完雞煲，可以直接加湯食火鍋，但朋友怕油淋淋，所以就換左個清湯先開始食火鍋。飲品：飲品分佈喺唔同嘅角落，飲品種類好多，有甜有唔甜，有汽水有果汁，任君選擇。我哋就攞咗個自家製冬瓜茶，無汽得嚟又唔算太甜，good肉類：有特級肥牛(左上)、雪花肥牛(右下)、滑牛肉(右上)同埋頂級梅頭豬肉(左下)，各款肉類切得薄薄，但淥熟完之後，肉就變得厚左，有口感，亦唔會韌，幾好喎。海鮮類：滋補花膠唔算太薄，食落都咬口。海中蝦同埋是日海鮮蟶子都ok喎，size唔大亦唔算細，入口帶鮮味。丸類：點左黑椒牛丸、炸魚片角、芝士豆腐、墨魚滑同埋魚皮餃，各款丸都好彈牙，魚皮餃外皮煙韌，芝士豆腐嘅芝士味濃，幾特別。炸物及菇類：金菇都可以，味道正常。響鈴卷係自家製，大大舊，炸魚皮都大大塊，兩款浸湯食好好食。蔬菜：蔬菜在外面雪櫃自己攞，我攞左油麥菜(右)同生菜(左)。d菜
呢度全層都係屬於呢間餐廳，環境又大又闊落，我哋仲坐窗口位，對住個靚境食飯添。
我哋叫左個小辣雞煲，雞切得大小適中，肉都幾多，雞煲越食越辣，好惹味，我就幾鐘意，好好食。
食完雞煲，可以直接加湯食火鍋，但朋友怕油淋淋，所以就換左個清湯先開始食火鍋。
飲品：飲品分佈喺唔同嘅角落，飲品種類好多，有甜有唔甜，有汽水有果汁，任君選擇。我哋就攞咗個自家製冬瓜茶，無汽得嚟又唔算太甜，good
肉類：有特級肥牛(左上)、雪花肥牛(右下)、滑牛肉(右上)同埋頂級梅頭豬肉(左下)，各款肉類切得薄薄，但淥熟完之後，肉就變得厚左，有口感，亦唔會韌，幾好喎。
海鮮類：滋補花膠唔算太薄，食落都咬口。海中蝦同埋是日海鮮蟶子都ok喎，size唔大亦唔算細，入口帶鮮味。
丸類：點左黑椒牛丸、炸魚片角、芝士豆腐、墨魚滑同埋魚皮餃，各款丸都好彈牙，魚皮餃外皮煙韌，芝士豆腐嘅芝士味濃，幾特別。
炸物及菇類：金菇都可以，味道正常。響鈴卷係自家製，大大舊，炸魚皮都大大塊，兩款浸湯食好好食。
蔬菜：蔬菜在外面雪櫃自己攞，我攞左油麥菜(右)同生菜(左)。d菜都洗得幾乾淨，顏色青BB無黃，幾新鮮，淥完食落都爽口。
甜品：呢度甜品係乳酪，感覺無雪糕咁邪惡，有原味乳酪同士多啤梨乳酪，食幾多斟幾多。兩款都好食，原味就無咁甜，旁邊仲有topping可以加，但我都係鐘意就咁食。
張貼
