來多碗車仔麵 (康寧道) (已搬遷) 新店位置

對觀塘人嚟講，多年前結業嘅金僑小食簡直係集體回憶。好彩佢一早復活咗，改咗名叫做「來多碗車仔麵」。其實我呢幾年已經食過好多次，但每次必點魷魚🦑。夠晒爽口，吸晒辣汁好入味。仲有蘿蔔都係次次都會食，超級甜，份量又多🥰。呢次食咗豬耳同埋牛肚，佢啲滷水好高質！尤其係牛肚，比起好多潮洲粉麵店整得更淋更入味👍🏻。喺呢度食佢地自家製嘅餸絕對可以品嚐到佢地嘅心思。觀塘區好食嘅車仔麵唔多，呢間都可謂碩果僅存。