影片
更多
2021-05-09
67 瀏覽
今日同媽媽撐枱腳，預早慶祝母親節。我哋去咗灣仔新南苑食雞煲放題火鍋，喺港鐵灣仔站C出囗步行約5分鐘就到。由於預約晚飯時間早咗抵達，餐廳仍在準備中，喺得到經理同意下可以先喺餐廳入面行個圈；而吸引我嘅正是餐廳內裝修，牆上壁畫好有特式，天花吊燈用唔同紅、白酒樽作裝飾。飲品包括有多款罐裝飲品選擇，如果想飲枝裝啤酒朋友則需要額外收費喇。除咗任食雞煲外，套餐亦包括選擇牛魔王餐、海鮮餐、至尊餐，今次就選擇咗海鮮餐。喺等候雞煲嘅時間，經理先贈送蒜蓉蒸龍蝦作見面禮，並簡單解釋晚餐流程: 先係任食雞煲，有食力嘅朋友可以無限添食，食夠就通知服務員轉煲打邊爐。今日呢個雞煲用料絕不馬虎，睇得見又數得出嘅香料包括乾葱、蒜蓉、薑粒、紅椒、泡椒、豆豉、乾葱蓉、豆瓣醬等，所以風味十足，惹味非常，食唔停口之選。通常食雞煲我都喜歡自己動手炒、親力親為落配料，有d自己置身於廚房嘅滿足感;所以今次亦唔例外，首先將雞炒一分鐘，然後焗佢兩分鐘；重覆以上動作三次就可以食得。一開蓋香氣四溢，雞肉十分惹味香濃，雞肉嫩滑得嚟亦夠乾身。經過完一輪衝鋒陷陣後，係時候通知店員轉煲打邊爐喇。自選火鍋湯底選擇咗新鮮蟹鍋花甲湯底，聽聞其他分店係無呢個
由於預約晚飯時間早咗抵達，餐廳仍在準備中，喺得到經理同意下可以先喺餐廳入面行個圈；而吸引我嘅正是餐廳內裝修，牆上壁畫好有特式，天花吊燈用唔同紅、白酒樽作裝飾。
飲品包括有多款罐裝飲品選擇，如果想飲枝裝啤酒朋友則需要額外收費喇。
除咗任食雞煲外，套餐亦包括選擇牛魔王餐、海鮮餐、至尊餐，今次就選擇咗海鮮餐。
喺等候雞煲嘅時間，經理先贈送蒜蓉蒸龍蝦作見面禮，並簡單解釋晚餐流程: 先係任食雞煲，有食力嘅朋友可以無限添食，食夠就通知服務員轉煲打邊爐。
今日呢個雞煲用料絕不馬虎，睇得見又數得出嘅香料包括乾葱、蒜蓉、薑粒、紅椒、泡椒、豆豉、乾葱蓉、豆瓣醬等，所以風味十足，惹味非常，食唔停口之選。通常食雞煲我都喜歡自己動手炒、親力親為落配料，有d自己置身於廚房嘅滿足感;所以今次亦唔例外，首先將雞炒一分鐘，然後焗佢兩分鐘；重覆以上動作三次就可以食得。一開蓋香氣四溢，雞肉十分惹味香濃，雞肉嫩滑得嚟亦夠乾身。
經過完一輪衝鋒陷陣後，係時候通知店員轉煲打邊爐喇。自選火鍋湯底選擇咗新鮮蟹鍋花甲湯底，聽聞其他分店係無呢個湯底㗎。又到另一個焦點時間，廚房事先將湯底倒入模具內，然后放入冰箱雪凍，變成熊仔造型，非常趣致，吸晴打卡之作。
店員緊接住會送上一盤本地手切牛頸脊同埋海鮮拼盤，牛頭脊紋理分明，放落湯二三十秒就食得，牛肉嫩滑得嚟牛味濃厚，海鮮拼盤有鮑魚、虎蝦、脆肉鲩片、扇貝、廣島蠔。虎蝦有手掌咁大，唔知係咪我眼花，滾完望落去好似仲大隻咗😆😆扇貝大大塊有𡁻口；鮑魚掂掂佢仲識收縮㗎，可想而知有幾咁新鮮😎
除咗以上一次性食材，仲有四十款火鍋配料無限供應，保證食得飽😆😆😆
正當我哋食得飽飽之際，店員再送上每人一個北海道3.6牛乳奶凍作為甜品，為今晚雞煲放題寫上完美句號。
張貼
