小桃園餐廳小廚

營業中

休息中

之前黎過依間餐廳食過午市，覺得奶茶沖得又滑又香，質素應該有番咁上下。估唔到今次再黎大跌眼鏡，味道好差，料又唔多。火鴨炆米，食落口好梅，鴨絲又少，配料唔多，屋企煮仲好味過佢。滷水拼盤，冇咩味，成大舊肥膏都夠膽放上枱。小炒皇係最激氣嘅，可以話係西芹粉花枝，不過多咗啲腰果同蝦米咁，食過其他餐廳嘅小炒皇，好香口，佐酒一流，而且有唔少海味，可能唔同餐廳主打嘅小炒皇都唔同啦。雖然係下午茶，但係總共都要$200，實在唔配咁貴。