板神鉄板燒日本料理 (The Hennessy) (已結業)

人生第一個食評比左呢間，開業後第二次黎，6個朋友食晚市鐵板燒，坐吧枱前面，環境都ok, 每人埋單大約2000$, 但係d服務真係⋯⋯女服務員態度差到好似大排檔姐姐，初頭帶位已經開始冇乜禮貌之旅，食食下同朋友傾下計，趁唔覺意，經常未食完就想收走隻碟，幾次！最後龍蝦好彩見到叫停左，一舊龍蝦得果小小肉好貴架大佬！佢真係趁你擰轉個頭係後面偷收架喎！限時兩個鐘，真係茶記咁，未夠鐘仲有半個鐘就催埋單，你師傅都唔係燒得咁快呀？仲要燒其他枱客，成餐飯趕頭趕命完全係比錢買難受。野食都冇初開張咁好味，可以唔洗再黎