Cocina 3 Tapas Restaurant & Bar (已結業)

今晚我地黎到奧海城入面嘅西班牙餐廳-Cocina 3 Tapas Restaurant & Bar食。對抗肺炎期間，每間餐廳都各出奇招，吸引客人光顧消費。呢間餐廳就以每位客人送半隻汁燒波士頓龍蝦做賣頭！今晚叫左4款菜式，分別係西班牙香燒乳豬仔、炭燒澳洲頂級肉眼扒、肉醬千層麵同甜品-西班牙吉拿棒。首先係西班牙燒乳豬仔，當中有肉質厚實脆皮的乳豬仔、新鮮青瓜同麵包。青瓜同乳豬搭配令乳豬感覺不油膩。而主菜係炭燒澳洲頂級肉眼扒。我地叫左5成熟，牛味濃，而且炭燒令肉眼扒好香，好惹味🤤🤤 肉質鬆軟，值得推薦👍🏼👍🏼第二份主菜係肉醬千層麵。每層麵都夾有芝士同肉醬，口感千變萬化，每啖口感都滋味，而且適合一班人食！甜品就係西班牙吉拿棒。吉拿棒好特別，佢新鮮香脆又咸咸地，點下朱古力同Cream食，好味，值得大家試下👍🏼👍🏼